تۇڭعىش پرەزيدەنتىمىزدىڭ قولتاڭباسى بار تاۋەلسىزدىك ءداۋىرىنىڭ ەرەكشە جوباسى رەتىندە ەلوردامىز – نۇر-سۇلتان قالاسىن ايرىقشا اتاپ وتۋگە بولادى. قىسقا مەرزىم ىشىندە قازاقستاننىڭ باس قالاسى ەلىمىزدىڭ عانا ەمەس، بۇكىل ءوڭىردىڭ ناقتى ساياسي، ەكونوميكالىق جانە مادەني ورتالىعىنا اينالدى.
بۇدان بولەك، شىمكەنتتىڭ رەسپۋبليكالىق دارەجەدەگى قالاعا اينالۋىن – تۇڭعىش پرەزيدەنتىمىز نۇرسۇلتان ءابىشۇلى نازارباەۆتىڭ جوباسى ەكەنىن ماقتانىشپەن ايتامىز. ەلباسىنىڭ بۇل تاريحي جارلىعى قالانىڭ جاڭا تىنىسىن اشتى، سەرپىن بەرەر مۇمكىندىكتەرگە باستادى.
سوڭعى جىلدارى ەلىمىزدىڭ ءۇشىنشى مەگاپوليسىندە ونەركاسىپ ءونىمى 2 ەسەگە ارتىپ، 700 ملرد. تەڭگەگە جەتتى. ينۆەستيتسيا 1,3 ترلن. تەڭگەگە ءوستى. بيىلعى جىلى العاش رەت 1 ملن. شارشى مەتر تۇرعىن ءۇي سالىنۋدا. قالا بيۋدجەتى ءتورت ەسەگە ءوسىپ، 495 ملرد. تەڭگەگە جەتتى.
قازاقستان رەسپۋبليكاسىنىڭ تۇڭعىش پرەزيدەنتى – ەلباسى قامقورلىعىنداعى قالامىز بۇگىننەن دە بيىك بەلەستەردەن كورىنەدى دەگەن سەنىمدەمىز.
شىمكەنت قالاسى اكىمدىگىنىڭ ءباسپاسوز قىزمەتى
