شىمكەنت قالاسىنىڭ ءبىلىم باسقارماسىنا قاراستى جول-كولىك كوللەدجىندە دەبات كلۋبىنىڭ ۇيىمداستىرۋىمەن «قازاقستاننىڭ وتباسىلىق گەندەرلىك ساياساتى: جەتىستىكتەرى مەن بولاشاعى» تاقىرىبىندا پىكىرسايىس ءوتتى.
پىكىرسايىستىڭ ماقساتى – تاۋەلسىزدىك جىلدارىندا قازاقستان ايەلدەرىنىڭ قۇقىقتارى مەن زاڭدى مۇددەلەرىن قورعاۋ سالاسىنداعى گەندەرلىك ساياساتتى جۇزەگە اسىرۋدى ستۋدەنتتەر اراسىندا كەڭىنەن ناسيحاتتاپ، ساراپقا سالۋ، جاستاردىڭ ساياسي بەلسەندىلىگى مەن ازاماتتىق ۇستانىمىن ارتتىرۋعا ىقپال ەتۋ.
تالقىلاۋ بارىسىندا جاستار ءوز ويلارىن اشىق ورتاعا سالدى. ءبىرىنشى تاراپ قازاقستاندا گەندەرلىك ساياساتتى دامىتۋ كەرەك دەسە، ەكىنشى تاراپ زياندى جاقتارىنىڭ بار ەكەندىگىمەن ءبولىستى.
دەباتقا - جەرگىلىكتى كوللەدج وقىتۋشىلارى، ستۋدەنتتەر جانە ەرىكتى كورەرمەندەر قاتىسىپ، دەباتقا دەگەن قىزىعۋشىلىقتارىن جەتكىزىپ، ءوز ويلارىمەن ءبولىستى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
