بۇگىن، شىمكەنت قالاسى اكىمىنىڭ ەل ەگەمەندىگىنىڭ 30 جىلدىعىن مەرەكەلەۋگە ارنالعان «جۇلدىزدى 30 كۇن» ءىس-شارالار جوسپارىنا سايكەس، قالالىق ءبىلىم باسقارماسىنا قاراستى №97 جالپى ورتا ءبىلىم بەرەتىن مەكتەبى كوممۋنالدىق مەملەكەتتىك مەكەمەسىنىڭ ۇجىمى ارداگەر ۇستازدارمەن كەزدەسۋ ۇيىمداستىرىپ، وتكىزدى.
كەزدەسۋ كەشىنە گ.كەشۋباەۆا، ع.مەيرمانوۆا، ن.اليمباەۆا، ا.جانىسباەۆا، ا.جالعاسباەۆا، ن.كۋلانباەۆا، ن.بەرداليەۆا، ج.دجانحودجاەۆا، ر.ابدۋرايىموۆ سىندى ارداقتى ۇستازدار شاقىرىلدى. ءوزىن-ءوزى باسقارۋ ۇيىمىنىڭ مۇشەلەرى مەن مەكتەپ وقۋشىلارى ۇلاعاتتى ۇستازدارعا ارناپ كونتسەرتتىك باعدارلاما ۇسىندى.
كەش قوناقتارى ءوز كەزەگىندە وقۋشىلارعا ونەگەلى وسيەتتەرىن ايتىپ، ريزاشىلىقتارىن ءبىلدىرىپ، اق باتالارىن بەردى. كەزدەسۋدە ايتىلعان كەلەلى اڭگىمەلەردەن وقۋشىلاردىڭ اتا-انالارىن، ۇستازدارىن قۇرمەتتەۋگە دەگەن تالپىنىسى مەن وتانعا، ەلگە دەگەن سۇيىسپەنشىلىك سەزىمدەرى ارتقاندىعى بايقالدى. كەشتەن رۋحاني كۇش-قۋات العان وقۋشىلار قوناقتارمەن ەستەلىك سۋرەتكە ءتۇسىپ، ەرەكشە اسەرمەن تارقاستى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
