شىمكەنت قالاسىنداعى ونكولوگيالىق ورتالىققا كەلگەن قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ونكولوگيا جانە راديولوگيا ءسۇت بەزدەرى ىسىكتەرى ورتالىعىنىڭ ءبىر توپ بىلىكتى دارىگەرى جەرگىلىكتى دارىگەرلەرمەن بىرىگىپ، ءسۇت بەزىنىڭ قاتەرلى ىسىگىنە شالدىققان 4 ناۋقاسقا كۇردەلى وتا جاسادى.
وپەراتسيا بارىسىندا حيرۋرگتار ىسىكتى الۋمەن قاتار ءسۇت بەزىن قالپىنا كەلتىرەتىن پلاستيكالىق وپەراتسيالار دا جاسادى. مەديتسينا ماماندارىنىڭ سوزىنشە وتا جاساتقان ناۋقاستار ءۇشىن پلاستيكالىق وپەراتسيانىڭ ماڭىزى زور ەكەن. ول ناۋقاستىڭ پسيحولوگيالىق كۇيزەلىسكە ۇشىراۋىن ازايتادى، سونىمەن قاتار پاتسيەنتتىڭ تولىققاندى ءومىر سۇرۋىنە مۇمكىندىك بەرەدى.
« ناۋقاستارعا مەديتسينالىق كومەك كورسەتۋمەن قاتار، ولاردى پسيحولوگيالىق تۇرعىدا قولداعىمىز كەلەدى. سوندىقتان حيرۋرگيالىق تىرتىقتىڭ ورنىنا پلاستيكالىق وتا جاساپ، پاتسيەنتتىڭ تولىققاندى ءومىر سۇرۋىنە مۇمكىندىك جاسايمىز. شىمكەنتتىك ونكولوگتاردىڭ بىلىكتىلىگى جوعارى بولعاندىقتان، ولار ەش كەدەرگىلىسىز كوكىرەكتىڭ ىسىگىنە پلاستيكالىق وتا جاساي الادى»- قازاق ونكولوگيا جانە راديولوگيا عىلىمي-زەرتتەۋ ينستيتۋتىنىن ونكولوگيا جانە راديولوگيا ءسۇت بەزدەرى ىسىكتەرى ورتالىعىنىڭ جەتەكشىسى، مەديتسينا عىلىمدارىنىڭ دوكتورى، پروفەسسور، ءاليا ابدراحمانوۆا.
بىلىكتى پروفەسسور جاساعان وپەراتسياعا جەرگىلىكتى ونكولوگتار دا قاتىسىپ، تاجىربيە الماستى.
ايتا كەتەيىك، الماتىلىق دارىگەرلەردىڭ قاتىسۋىمەن 10 شىلدە كۇنى قالالىق ونكولوگيالىق ورتالىقتا «اشىق ەسىك» كۇنى وتكەن بولاتىن.
