تاۋەلسىزدىك جەمىسى: ەلىمىزدە العاش بولىپ شىمكەنتتەگى ەگۋ بەكەتتەرىنە بەينەباقىلاۋ كامەرالارى ورناتىلدى

747
Adyrna.kz Telegram

ەلىمىزدە العاش بولىپ شىمكەنتتەگى ەگۋ بەكەتتەرىنە بەينەباقىلاۋ كامەرالارى ورناتىلدى. بۇل تۋرالى قالالىق دەنساۋلىق ساقتاۋ باسقارماسىنىڭ باسشىسى پوزيلوۆ باقىتجان تىلشىلەردىڭ قاتىسۋىمەن وتكەن ءباسپاسوز بريفينگىندە مالىمدەدى.

باسقارما باسشىسىنىڭ سوزىنشە، ۆاكتسيناتسيالاۋ جۇمىستارىن ۇيىمداستىرۋ ءۇشىن قالادا 45 ەگۋ بەكەتى جۇمىس ىستەۋدە. ودان بولەك 25 جىلجىمالى ەگۋ بەكەتتەرى بار.

«شىمكەنت قالاسى بويىنشا بۇگىندە I كومپونەنتپەن 291 074 ادامعا، ءىى كومپونەنتپەن 175 775 ادامعا ۆاكتسيناتسيالاۋ جاسالدى. حالىق اراسىندا ۆاكتسيناتسيالاۋ جۇمىستارى تۋرالى ءتۇرلى قاۋەسەتتەر تاراۋدا. جۇمىستاردى باستى نازارعا الىپ، باقىلاۋدى ودان ءارى كۇشەيتۋ ءۇشىن ەگۋ بەكەتتەرىنە كامەرالار ورناتىلدى» - دەدى ب. پوزيلوۆ.

ايتا كەتەيىك، تۇراقسىز ەپيدەميالوگيالىق جاعدايعا بايلانىستى قوسىمشا دايىندالعان ستاتسيونارلاردا ناۋقاستاردى قابىلداۋ جۇمىستارى باستالىپ كەتتى. قالانىڭ مەديتسينالىق ۇيىمدارىندا COVID-19 ىندەتىنە قارسى ەكى ايلىق دارىلىك زاتتار جانە مەديتسينالىق بۇيىمدار قورى بار.

پىكىرلەر