Täuelsızdık jemısı: Elımızde alǧaş bolyp Şymkenttegı egu beketterıne beinebaqylau kameralary ornatyldy

Elımızde alǧaş bolyp Şymkenttegı egu beketterıne beinebaqylau kameralary ornatyldy. Būl turaly qalalyq densaulyq saqtau basqarmasynyŋ basşysy Pozilov Baqytjan tılşılerdıŋ qatysuymen ötken baspasöz brifingınde mälımdedı. Basqarma basşysynyŋ sözınşe, vaksinasiialau jūmystaryn ūiymdastyru üşın qalada 45 egu beketı jūmys ısteude. Odan bölek 25 jyljymaly egu beketterı bar. «Şymkent qalasy boiynşa bügınde I komponentpen 291 074 adamǧa, II komponentpen 175 775 adamǧa vaksinasiialau jasaldy. Halyq arasynda vaksinasiialau jūmystary turaly türlı qauesetter tarauda. Jūmystardy basty nazarǧa alyp, baqylaudy odan ärı küşeitu üşın egu beketterıne kameralar ornatyldy» - dedı B. Pozilov. Aita keteiık, tūraqsyz epidemiialogiialyq jaǧdaiǧa bailanysty qosymşa daiyndalǧan stasionarlarda nauqastardy qabyldau jūmystary bastalyp kettı. Qalanyŋ medisinalyq ūiymdarynda COVID-19 ındetıne qarsy ekı ailyq därılık zattar jäne medisinalyq būiymdar qory bar.