شىمكەنت قالاسىنداعى №2 قالالىق اۋرۋحانا بازاسىندا جۇرەك قان تامىرلارىنا تىڭ ادىسپەن وتا جاسالۋ جۇمىسى قارقىندى جۇرۋدە. قالالىق اۋرۋحانانىڭ باس دارىگەرى راحماتاليەۆ اسقاردىڭ جەتەكشىلىگىمەن كوروناروگرافيا ءادىسىنىڭ حيۋرگيالىق ەمى بويىنشا، 20 ادامعا تىلىكسىز وتا جاسالعان.
بىلىكتى سالا ماماندارىنىڭ سوزىنشە، الەمدە بولىپ جاتقان جاعداي بويىنشا جۇرەكتىڭ يشەميالىق اۋرۋىنان پايدا بولاتىن ءولىم ءجىتىمنىڭ سانى كۇرت كوبەيىپ كەتكەن. الايدا سوڭعى جىلدارى بۇل سىرقات ءتۇرى ازايماسادا، ءولىم سانى باسەڭدەگەن.
«كوروناگرافيا ادىسىمەن قالالىق №2-ءشى اۋرۋحاناسىندا كوپتەگەن وتالار جاسالۋدا. ناقتىراق ايتساق، كۇنىنە ەكى-ءۇش ناۋقاسقا وسى ادىسپەن وتا جاسايمىز. امبۋلاتورلى كورونوگرافيانىڭ پايداسى كوپ. بۇرىن جۇرەك قان تامىرلارىن كورۋ ءۇشىن كوپ دارىگەردىڭ قاتىسۋى كەرەك بولسا، بۇگىندە جەرگىلىكتى انەستازيا ارقىلى امبۋلاتورلى تۇردە ناۋقاس اۋرۋحاناعا جاتقىزىلماي جۇرەكتىڭ قان تامىرلارىنا كىرىپ، كورىپ شىعۋعا مۇمكىنشىلىك بار. ەڭ باستىسى-ەشقانداي اۋىرسىنۋسىز، ناۋقاسقا ەش كەدەرگى كەلتىرمەياق. 2-3 ساعات ىشىندە ناۋقاس امان ەسەن ۇيىنە ورالا الادى. ونىمەن قوسا كەز-كەلگەن ۋاقىتتا ناۋقاستى ستاتسيونارعا جاتقىزۋعا بولادى، - دەيدى رەنتگەنحيرۋرگ دارىگەرى سەرىك كەرىمقۇلوۆ.
كوروناروگرافيا - جۇرەكتىڭ يشەميالىق اۋرۋىن انىقتاۋدىڭ ەتالوندىق ءادىسى بولعاندىقتان، 99 پايىزى جەڭىل تۇردە وتۋدە. سول سەبەپتى وپەراتسيا كەزىندە ناركوز بەرىلمەي، قان تامىرىنىڭ زاقىمدانۋىنا قاراي حيرۋرگيالىق ەم 15-20 مينۋت ىشىندە جاسالادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
