«اسار-2» شاعىناۋدانىندا سۋ قۇبىرى ىسكە قوسىلدى

1423
Adyrna.kz Telegram

بۇگىن «اسار-2» شاعىناۋدانىنداعى سۋ قۇبىرىن تۇرعىندار يگىلىگىنە پايدالانۋعا بەرىلدى. اتالعان ءىس-شاراعا شىمكەنت قالاسى ءماسليحاتىنىڭ حاتشىسى م.نارىمبەتوۆ، قالالىق ءماسليحات دەپۋتاتتارى ت.بالتاباەۆ، ا.نايمبەكوۆا، س.قۋاندىق، قاراتاۋ اۋدانى اكىمىنىڭ ورىنباسارى ق.قالدىقاراەۆ قاتىستى. سونىمەن بىرگە، ەلدىمەكەن تۇرعىندارى مەن جەرگىلىكتى باق وكىلدەرى قاتىستى.

«اسار-2» ش/ا اۋىز سۋمەن قامتاماسىز ەتۋ بويىنشا 156,1 كم قۇرايتىن ىشكى ورامدىق جۇيەلەرىنىڭ قۇرىلىس جۇمىستارى 2020 جىلدىڭ مامىرىندا باستالعان بولاتىن. قازىرگى تاڭدا مەردىگەر مەكەمە «سارىاعاش-امان» جشس تاراپىنان قۇرىلىس جۇمىستارى اياقتالىپ، كومەشبۇلاق ماگيسترالدى سۋ قۇبىرىنا قوسىلىپ اۋىز سۋ تۇرعىندارعا تولىق بەرىلدى.

«اسار-2» ش/ا 2019 جىلى باستالعان ەلەكتر جەلىلەرىنىڭ قۇرىلىسى قازىرگى ۋاقىتتا تولىعىمەن اياقتالدى. ناتيجەسىندە، 87,2 كم جەلى، 1 دانا رپ جانە 24 دانا كتپ ورناتىلدى. سونداي-اق، 220 كۆ “بوزارىق” پودستانتسياسىنان جاڭادان سوعىلعان 110 كۆ 1-م-1 پودستانتسياسىنا قوسۋ جۇمىستارى جۇرگىزىلۋدە. ەلەكتر جەلىلەرىنىڭ قۇرىلىسى «رەمستروي الماتى» جشس مەردىگەر مەكەمەسى تاراپىنان جۇرگىزىلدى.

2020 جىلى مەردىگەر مەكەمە «وتاۋ ستروي» جشس تاراپىنان «اسار-2» ش/ا تابيعي گازبەن قامتاماسىز ەتۋ بويىنشا 50,4 كم قۇرايتىن ىشكى ورامدىق جۇيلەرىنىڭ قۇرىلىس جۇمىستارى باستالىپ، بۇگىندە تولىعىمەن اياقتالدى.

اسار-2» ش/ا كارىز جۇيەلەرىمەن قامتۋ ماقساتىندا قۇرىلىس جۇمىستارى «مونوليت – ديزاين - 2030» جشس تاراپىنان جۇرگىزىلۋدە. قۇرىلىس جۇمىستارى 2022 جىلى اياقتالادى دەپ جوسپارلانۋدا.

اسار-2 ش/ا اعىمداعى جىلى 19 كم جولدارعا شاعال تاس توسەلىندى. 2022 جىلى اتالعان كوشەلەرگە اسفالت توسەلىنەتىن بولادى.

قازىرگى تاڭدا، قاراتاۋ اۋدانى اكىمى اپپاراتى تاراپىنان اسار-2 ش/ا 138 جوم ماڭىندا سالىنىپ جاتقان زاماناۋي سپورت الاڭشاسىنىڭ قۇرىلىسى قاراشا ايىنىڭ سوڭىندا اياقتالادى. سونىمەن قاتار، جىل سوڭىنا دەيىن كوپ سالالى بالالار ويىن الاڭشاسى دا سالىناتىن بولادى.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر