شىمكەنت: اباي اۋدانىندا وڭ وزگەرىستەر بايقالادى

1289
Adyrna.kz Telegram

اباي اۋدانى اكىمىنىڭ اپپاراتىنا بيىل 9 اي ىشىندە جەكە جانە زاڭدى تۇلعالاردان 352 ارىز كەلىپ تۇسكەن.

ونىڭ ىشىندە:
- كوممۋنالدىق ماسەلە بويىنشا - 120 ءوتىنىش;
- الەۋمەتتىك ماسەلە – 76;
- تۇرعىن ءۇي ماسەلەسى – 4;
- جەر ماسەلەسى – 6;
- جول ماسەلەسى – 34;
- قۇرىلىس ماسەلەسى – 36;
- باسقا دا ماسەلە – 76.

كەلىپ تۇسكەن بارلىق وتىنىشتەر مەرزىمىندە ورىندالدى.

سونىمەن قاتار، اۋدان اكىمى مەن ورىنباسارلارى 44 جەكە قابىلداۋ وتكىزدى. ونىڭ 14-ءى قاناعاتتاندىرىلدى. ال 30-نا سالالىق باسقارمالاردىڭ قۇزىرىنداعى ماسەلەلەرگە قاتىستى زاڭ اياسىندا تۇسىندىرمە جۇمىستارى جۇرگىزىلدى.

اۋدان اۋماعى بويىنشا 34 ەلدى مەكەننىڭ 24-ءى ساپالى اۋىز سۋمەن قامتىلىپ، ول 71 پايىزدى قۇراپ وتىر.

بيىل مەملەكەتتىك-جەكەشەلىك ارىپتەستىك اياسىندا اۋدانداعى 38 كوشەگە جارىقشام ورناتىلدى. جىل سوڭىنا دەيىن 9 كوشە جارىقتاندىرىلادى.

ايتا كەتەيىك، تۇركىستان وبلىسىنان 2014 جىلى اباي اۋدانى اۋماعىنا قوسىلعان 10 ەلدى مەكەننىڭ (حالىق سانى - 33 254) ينفراقۇرىلىمدىق ماسەلەسىن شەشۋدە ءتيىستى جۇمىستار اتقارىلۋدا.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر