قۋىرشاقتار كونتسەرتىن ساحنالادى

1297
Adyrna.kz Telegram

شىمكەنتتەگى قۋىرشاق جانە جاسوسپىرىمدەر تەاترىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان «تاۋەلسىزدىك – تىرەگىم» اتتى قۋىرشاقتار كونتسەرتى ءوتتى. «30 جىلدىققا – 30 قويىلىم» اكتسياسى اياسىندا تەاتردا ساحنالانعان «تاۋەلسىزدىك – تىرەگىم» كونتسەرتتىك باعدارلاماسىنىڭ تالىمدىك، پاتريوتتىق جانە يدەولوگيالىق ءرولى وتە بيىك.

قويۋشى رەجيسسەر م.مالدىباەۆانىڭ، سۋرەتشى ە.ايداروۆپەن بىرگە جاساعان دەكوراتسيا مەن كوستيۋم ەسكيزدەرى كوك ءتۇستى نەگىزگە الۋى مەملەكەتىمىزدىڭ كوك تۋى مەن سايكەس كەلۋى ۇتىمدى شەشىم. كونتسەرتتىك باعدارلامادا قۋىرشاق پەرسوناجدار قولدانىلدى.

شىمكەنت قۋىرشاق جانە جاسوسپىرىمدەر تەاترى اپتا كۇندەرىندە قايتا ساحنالاناتىن قويىلىمدى تاماشالاۋ ءۇشىن قالا تۇرعىندارى مەن قوناقتارىن شاقىرادى. تەاتر باسشىسى سامات التاي باستاعان ۇجىم، تەاتر ارتىستەرى كەرەمەت تۋىندى ءۇشىن ونەرى مەن شەبەرلىكتەرىن ايانىپ قالعان جوق.

پىكىرلەر