شىمكەنت قالالىق ءبىلىم باسقارماسىنا قاراستى №135 جالپى ورتا ءبىلىم بەرەتىن مەكتەپتە تاۋەلسىزدىكتىڭ 30 جىلدىعىنا وراي اۋقىمدى ءىس-شارا وتكىزىلدى. مەكتەپ وقۋشىلارى سۋىرىپ سالما اقىن، "دارىن" مەملەكەتتىك سىيلىعىنىڭ يەگەرى، "قاراتاۋ" ءداستۇرلى ونەر مەكتەبىنىڭ ديرەكتورى ءبىرجان بايتۋوۆپەن كەزدەستى.
سىرلى سۇحباتتاسۋ كەش بارىسىندا مۇعالىمدەرمەن، وقۋشىلارمەن اسەرلى اڭگىمە جۇرگىزگەن اقىنعا بولاشاعىنان زور ءۇمىت كۇتتىرەتىن جاس اقىن بالالار كوكەيىندە جۇرگەن سۇراقتارىن قويىپ، جاۋاپ الدى. اقىن جىرلارىمەن، كىتاپتارىمەن جاقىنىراق تانىستى. مەكتەپتىڭ بەلسەندى وقۋشىلارى ءان-جىردان شاشۋ شاشتى. ءبىرجان بايتۋوۆ ءوز كەزەگىندە قولىنا دومبىراسىن الىپ، ىستىق ىقىلاس رەتىندە ارناۋ ايتتى.
