ەل تاۋەلسىزدىگىنىڭ 30 جىلدىعى اياسىندا «SHYMQALA» تاريحي-مادەني كەشەنىندە «وتىرار» مەملەكەتتىك ارحەولوگيالىق قورىق-مۋزەيىنىڭ «ۇلى جىبەك جولى جانە وتىرار القابىنىڭ ورتاعاسىرلىق وركەنيەتى» تاقىرىبىندا جىلجىمالى كورمەسى ۇيىمداستىرىلماق.
كورمەدە كونە وركەنيەت تاريحىنان حابار بەرەتىن مۇراجاي قورى جيناعىنداعى ورتاعاسىرلىق جادىگەرلەر - اسحانالىق بۇيىمدار، زەرگەرلىك زاتتار جانە باسقا دا كونە تۇرمىستا قولدانىلعان ارحەولوگيالىق تۇپنۇسقا جادىگەرلەر كوپشىلىك كورەرمەن نازارىنا ۇسىنىلادى.
