بۇل شارا ناۋرىز مەيرامىنا وراي ۇيىمداستىرىلعالى وتىر. بايقاۋدى ۇيىمداستىرۋشىلار كۇي ورىنداۋ ونەرى بويىنشا ەلىمىزدىڭ تۇكپىر-تۇكپىرىندەگى دارىندى جاستاردى انىقتاپ، ولاردىڭ شىعارماشىلىق قاسيەتتەرىن شىڭداماق.
بايقاۋ 1-20 ناۋرىز ارالىعىندا وتەدى. وعان دومبىرادا ويناي الاتىن كەز كەلگەن ادام نەمەسە توپ قاتىسا الادى. بايقاۋعا قاتىسۋعا نيەت بىلدىرگەن ازاماتتار وزدەرىنىڭ ورىنداعان كۇيلەرىن بەينەتاسپاعا ءتۇسىرىپ، ونى 2016 جىلدىڭ 20-ناۋرىزىنا دەيىن nauryz@kaztrk.kz ەلەكتروندى مەكەنجايىنا جىبەرۋلەرى كەرەك.
بايقاۋ ماتەريالدارىندا قاتىسۋشىنىڭ اتى-ءجونى، تۋعان كۇنى مەن بايلانىس تەلەفونى، ءوزى تۇرىپ جاتقان قالانىڭ اتاۋى مەن ەلەكتروندى ادرەسى تولىق بولۋى كەرەك. بايقاۋدىڭ ادىلقازىلار القاسىنىڭ مۇشەلەرى ۇزدىك ورىنداۋشىنى 20-21 ناۋرىز ارالىعىندا انىقتايدى.
بايقاۋدىڭ جەڭىمپازدارى ارنايى تاعايىندالعان قۇندى سىيلىقتارمەن ماراپاتتالىپ، «قازاقستان» تەلەارناسىنان كورىنۋ مۇمكىندىگىنە يە بولادى. ءوز مۇمكىندىگىڭىزدى جىبەرىپ الماڭىز! ۇلتتىق ونەردى ۇلىقتاۋعا اتسالىسىڭىز!
massaget.kz
