«قازاق ءبىلىمىنىڭ، عىلىمىنىڭ جانە تەحنيكا مادەنيەتىنىڭ رۋحاني دىلدىك جاڭعىرۋى»
بۇگىندە ەل تاۋەلسىزدىگىن ساقتاپ، قازاق ەلىن الەمنىڭ وزىق ەلدەرى قاتارىنا قوسىپ، قوعامدىق تۇراقتىلىق پەن ۇلتتىق سانانى جاڭا بەلەسكە كوتەرۋ ماقساتىندا، ەلباسى ن.نازارباەۆ جاريالاعان «بولاشاققا باعدار: رۋحاني جاڭعىرۋ» اتتى باعدارلامالىق ماقالا اياسىندا اتقارىلعان قىزمەت ۇشان تەڭىز.
اتالمىش باعدارلامانى نەگىزگە الا وتىرىپ، قازاقستان ينجەنەرلىك-تەحنولوگيالىق ۋنيۆەرسيتەتىندە 8 جەلتوقسان كۇنى قازاقستان رەسپۋبليكاسى تاۋەلسىزدىگىنىڭ 30 جىلدىعى مەن ۋنيۆەرسيتەتتىىڭ قۇرىلعانىنا 20 جىل تولۋىنا وراي، «قازاق ءبىلىمىنىڭ، عىلىمىنىڭ جانە تەحنيكا مادەنيەتىنىڭ رۋحاني دىلدىك جاڭعىرۋى» اتتى ونلاين فورماتتا بەسىنشى حالىقارالىق كونفەرەنتسيا ءوتتى.
حالىقارالىق كونفەرەنتسيا جۇمىسىنا الىس جاقىن شەتەل مەملەكەتتەرىنىڭ عالىمدارىمەن قاتار، ەلىمىزدىڭ مەملەكەت جانە قوعام قايراتكەرلەرى، جوعارى وقۋ ورىندارىنىڭ وقىتۋشى-پروفەسسورلار قۇرامى، ستۋدەنتتەر مەن جاس عالىمدار قاتىستى.
ءىس-شارانىڭ اشىلۋ سالتاناتىندا قازاقستان ينجەنەرلىك-تەحنولوگيالىق ۋنيۆەرسيتەتىنىڭ رەكتورى گ.ءا.سارسەنبەكوۆا قۇتتىقتاۋ حاتىن وقىپ، كونفەرەنتسيانىڭ مازمۇنى جايلى بايانداپ، «قازاقستاننىڭ بۇگىنگە دەيىن ءجۇرىپ وتكەن جولىنىڭ ەڭ باستى قۇندىلىعى – ەل تاۋەلسىزدىگى. ەل تاۋەلسىزدىگىنىڭ تىرەگى ساياسي تۇراقتىلىق، ۇلتارالىق تاتۋلىق، الەۋمەتتىك، مادەني دامۋ، رۋحاني بايۋ، ۇزدىكسىز ەكونوميكالىق ورلەۋ» ەكەندىگىنە ەرەكشە توقتالىپ ءوتتى.
كونفەرەنتسيا بارىسىندا تاۋەلسىزدىك جىلدارىنداعى قازاقستان مادەنيەتىنىڭ ، عىلىمىنىڭ جانە ءبىلىمىنىڭ رۋحاني جاڭعىرۋ فيلوسوفياسى مەن تاريحى، قازاقستاننىڭ جانە الەمنىڭ عىلىمي-تەحنيكالىق دامۋىنىڭ جاڭا پاراديگماسى مەن باسقا دا الۋان ءتۇرلى تاقىرىپتا بايانداما جاسالدى.
وسى ورايدا كونفەرەنتسياعا قاتىسۋشىلار قاتارىنان، ماسكەۋ مەملەكەتتىك پەداگوگيكالىق ۋنيۆەرسيتەتى پسيحولوگيا عىلىمدارىنىڭ دوكتورى، پروفەسسور ۆ.ت.كۋدرياۆتسەۆ، "سوۆرەمەننىي سمىسل پونياتيا "وبرازوۆانيە"" تاقىرىبىندا، ماسكەۋ قالاسى مەملەكەتتىك اكادەميالىق گۋمانيتارلىق عىلىمدار ۋنيۆەرسيتەتى فيلوسوفيا عىلىمدارىنىڭ كانديداتى ۆ.ن.پانكراششەنكو، "دۋحوۆنىە تراديتسي ي تسيفرو – سەتەۆىە تەحنولوگي: ۆوزموجنوستي ي ۋگروزى" تاقىرىبىندا، بولعار عىلىم اكادەمياسىنىڭ، انتروپولوگيا جانە فولكلوريستيكا كافەدراسىنىڭ اكادەميگى ن. ۆۋكوۆ، قالماقيا مەملەكەتتىك ۋنيۆەرسيتەتىنىڭ پروفەسسورى فيلوسوفيا عىلىمدارىنىڭ دوكتورى ۆ.ن.بادماەۆ ءسوز سويلەپ، كونفەرەنتسيا تاقىرىبى زەردەلەنىپ، ۇسىنىستار تالقىلاندى.
پلەنارلى وتىرىستىڭ سوڭى سەكتسيالارداعى جۇمىسپەن جالعاستى. سەكتسيالاردا ستۋدەنتتەر پلەنارلى وتىرىستا قوزعالعان ماسەلەلەردى ودان ءارى تولىقتىرا ءتۇستى. ۇلتتىق سانا مەن رۋحاني جاڭعىرۋ تاقىرىبىندا پىكىرلەر ورتاعا سالىنىپ، ۇلتتىق بولمىسىمىز بەن ءتولتۋما مادەنيەتىمىزدى، رۋحاني قۇندىلىقتارىمىزدى بويعا سىڭىرۋگە باعىت-باعدار كورسەتىلدى.
جيىن سوڭىندا قازيتۋ رەكتورى گۇلنار سارسەنبەكوۆا «2021 جىل –تاۋەلسىزدىگىمىزدىڭ 30 جىلدىعى! جاڭا تاريحي كەزەڭ! ەلىمىزدىڭ جارقىن بولاشاعى قاجىرلى ەڭبەكتى، ساپالى ءبىلىمدى تۋ ەتكەن ۇزدىكسىز دامۋدى تالاپ ەتەدى. وتكەنىمىزدى باعالاپ، بۇگىنىمىزدى سارالاپ، ەرتەڭىمىزگە سەنىممەن قاراۋدا رۋحاني باي بولايىق!»، - دەپ، قاتىسۋشىلارعا ىزگى تىلەگىن ءبىلدىردى.
“ادىرنا” ۇلتتىق پورتالى
