تالعاندا قار جاۋىپ تۇرعاندا اسفالت توسەگەن

2520
Adyrna.kz Telegram

تالعاردا كۋاگەر قار جاۋىپ تۇرعان كەزدە اسفالت توسەگەن جۇمىسشىلاردى ۆيدەوعا ءتۇسىرىپ الدى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ. 

ۆيدەو اۆتورىنىڭ ايتۋىنشا، وقيعا 8 جەلتوقساندا ابىلاي حان كوشەسىندە بولعان. ۆيدەودان قار جاۋىپ تۇرعانىن كورۋگە بولادى.

"نە ءۇشىن وسىنداي بولىپ جاتقانىن بىلەسىزدەر مە؟ جىل سوڭى، ال بيۋدجەتتى يگەرۋ كەرەك", - دەيدى ۆيدەو اۆتورى.

"اۆتودور تالگار" كومپانياسىنىڭ وكىلدەرى بۇل ۆيدەوعا قاتىستى پىكىر ءبىلدىردى.

"الماتى وبلىسىنىڭ قۇرىلىس باسقارماسى - تالعار قالاسى ابىلاي حان كوشەسىندەگى 1200 ورىندىق ورتا مەكتەپكە كارىز جۇرگىزۋگە تاپسىرىس بەرۋشى، مەردىگەر - Bi Global جشس. مەردىگەر قنجە سايكەس قولايلى اۋا رايىندا جولدىڭ بۇلىنگەن ۋچاسكەسىن اسفالتتاۋ تۋرالى بىرنەشە رەت حاباردار ەتىلدى. الايدا مەردىگەر ەسكەرمەدى. مەردىگەر ۇيىمنىڭ اقپاراتىنا سايكەس، جۇمىستار قۇرىلىس سالۋشىنىڭ ەسەبىنەن جۇرگىزىلەدى. تاپسىرىس بەرۋشى شەشىم قابىلداعانعا دەيىن جۇمىستار توقتاتىلدى", - دەپ اتاپ ءوتتى ۇيىم وكىلدەرى.

بۇل تالعاردا قار جاۋعان كەزدە اسفالت توسەلگەن العاشقى جاعداي ەمەس. وسىعان ۇقساس وقيعا بيىلعى قاراشا ايىندا بولعان. سول كەزدە تالعار اكىمىنىڭ ورىنباسارى سالعىرتتىعى مەن مەردىگەر ۇيىمنىڭ جۇمىسىنا ءتيىستى باقىلاۋدىڭ جوقتىعى ءۇشىن قاتاڭ سوگىس ەستىگەن.

“ادىرنا” ۇلتتىق پورتالى

پىكىرلەر