Talǵarda kýáger qar jaýyp turǵan kezde asfalt tósegen jumysshylardy vıdeoǵa túsirip aldy, - dep habarlaıdy “Adyrna” ulttyq portaly Tengrinews.kz saıtyna silteme jasap.
Vıdeo avtorynyń aıtýynsha, oqıǵa 8 jeltoqsanda Abylaı han kóshesinde bolǵan. Vıdeodan qar jaýyp turǵanyn kórýge bolady.
"Ne úshin osyndaı bolyp jatqanyn bilesizder me? Jyl sońy, al bıýdjetti ıgerý kerek", - deıdi vıdeo avtory.
"Avtodor Talgar" kompanııasynyń ókilderi bul vıdeoǵa qatysty pikir bildirdi.
"Almaty oblysynyń qurylys basqarmasy - Talǵar qalasy Abylaı han kóshesindegi 1200 oryndyq orta mektepke káriz júrgizýge tapsyrys berýshi, merdiger - Bi Global JShS. Merdiger QNjE sáıkes qolaıly aýa raıynda joldyń búlingen ýchaskesin asfalttaý týraly birneshe ret habardar etildi. Alaıda merdiger eskermedi. Merdiger uıymnyń aqparatyna sáıkes, jumystar qurylys salýshynyń esebinen júrgiziledi. Tapsyrys berýshi sheshim qabyldaǵanǵa deıin jumystar toqtatyldy", - dep atap ótti uıym ókilderi.
Bul Talǵarda qar jaýǵan kezde asfalt tóselgen alǵashqy jaǵdaı emes. Osyǵan uqsas oqıǵa bıylǵy qarasha aıynda bolǵan. Sol kezde Talǵar ákiminiń orynbasary salǵyrttyǵy men merdiger uıymnyń jumysyna tıisti baqylaýdyń joqtyǵy úshin qatań sógis estigen.
“Adyrna” ulttyq portaly
