28 قازاندا ەلىمىزدىڭ 11 وبلىسىندا داۋىلدى ەسكەرتۋ جاريالاندى. بۇل تۋرالى «قازگيدرومەت» رمك ءباسپاسوز قىزمەتى ءمالىم ەتتى، دەپ حابارلايدى «ادىرنا» ۇلتتىق پورتالى.
كۇندىز كەي ۋاقىتتا ۇلىتاۋ وبلىسىندا قاتتى جاۋىن-شاشىن (جاڭبىر، قار) بولادى. تۇندە وبلىستىڭ باتىسىندا كوكتايعاق بولجاندى. وڭتۇستىك-شىعىستان، شىعىستان جەل سوعادى، كۇندىز وبلىستىڭ سولتۇستىگىندە جەلدىڭ ەكپىنى 18 م/س بولادى.
جەتىسۋ وبلىسىنىڭ تاۋلى اۋداندارىندا تۇمان تۇسەدى دەپ بولجاندى. سولتۇستىك-شىعىستان جەل سوعادى، الاكول كولدەرى اۋدانىندا ەكپىنى 15-20, تۇندە كەي ۋاقىتتاردا 25 م/س بولادى.
تۇندە اقتوبە وبلىسىنىڭ باتىسىندا قاتتى جاۋىن-شاشىن (جاڭبىر، قار), كۇندىز وبلىستىڭ ورتالىعىندا، شىعىسىندا قاتتى جاۋىن-شاشىن (كوبىنەسە جاڭبىر) كۇتىلەدى. وبلىستىڭ سولتۇستىگىندە، ورتالىعىندا كوكتايعاق بولادى. كۇندىز وبلىستىڭ سولتۇستىك جارتىسىندا تۇمان تۇسەدى. جەلدىڭ باعىتى وڭتۇستىك-شىعىستان وڭتۇستىك-باتىسقا اۋىسادى، تۇندە وبلىستىڭ ورتالىعىندا ەكپىنى 15-20 م/س بولادى. اقتوبە قالاسىندا تۇندە كوكتايعاق بولادى دەپ بولجاندى. كۇندىز تۇمان كۇتىلەدى.
كۇندىز اقمولا وبلىسىنىڭ باتىسىندا، وڭتۇستىگىندە كوكتايعاق بولادى. وڭتۇستىكتەن، وڭتۇستىك-شىعىستان جەل سوعادى، كۇندىز وبلىستىڭ باتىسىندا جەلدىڭ ەكپىنى 15-20 م/س بولادى دەپ بولجاندى.
تۇندە اتىراۋ وبلىسىنىڭ باتىسىندا، سولتۇستىگىندە قاتتى جاڭبىر جاۋادى. وبلىستىڭ باتىسىندا، وڭتۇستىگىندە، سولتۇستىگىندە تۇمان بولادى. وڭتۇستىك-باتىستان جەل سوعادى، وبلىستىڭ سولتۇستىگىندە، باتىسىندا ەكپىنى 15-20 م/س. اتىراۋ قالاسىن تۇمان باسادى.
كۇندىز قوستاناي وبلىسىنىڭ باسىم بولىگىندە جاۋىن-شاشىن (جاڭبىر، قار) جاۋادى دەپ بولجاندى. تۇندە وبلىستىڭ باتىسىندا، وڭتۇستىگىندە، كۇندىز باسىم بولىگىندە تۇمان، كوكتايعاق كۇتىلەدى. تۇندە جانە تاڭەرتەڭ وبلىستىڭ باتىسىندا جاياۋ بۇرقاسىن بولادى. وڭتۇستىك-شىعىستان جەل سوعادى، وبلىستىڭ باتىسىندا، وڭتۇستىگىندە ەكپىنى 15-20 م/س. قوستاناي قالاسىندا 27 قازاندا تاڭەرتەڭ جانە كۇندىز كوكتايعاق بولادى دەپ بولجاندى.
مانعىستاۋ وبلىسىنىڭ باتىسىندا، وڭتۇستىگىندە، سولتۇستىگىندە تۇمان كۇتىلەدى. اقتاۋ قالاسىندا كەي ۋاقىتتاردا تۇمان بولجاندى.
باتىس قازاقستان وبلىسىنىڭ باتىسىندا، وڭتۇستىگىندە قاتتى جاۋىن-شاشىن (نەگىزىنەن جاڭبىر) كۇتىلەدى. وبلىستىڭ سولتۇستىگىندە، شىعىسىندا تۇمان تۇسەدى. شىعىستان سوعاتىن جەل وڭتۇستىك-باتىسقا اۋىسادى، وبلىستىڭ باتىسىندا، وڭتۇستىگىندە، شىعىسىندا جەلدىڭ ەكپىنى 15-20 م/س بولادى.ورال قالاسىندا تۇندە جانە تاڭەرتەڭ تۇمان بولادى.
تۇندە جانە تاڭەرتەڭاباي وبلىسىنىڭ سولتۇستىگىندە، ورتالىعىندا تۇمان، كوكتايعاق بولجاندى.
تۇندە شىعىس قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە كوكتايعاق بولادى دەپ بولجاندى. تۇندە جانە تاڭەرتەڭ وبلىستىڭ شىعىسىندا، وڭتۇستىگىندە تۇمان تۇسەدى.
«ادىرنا» ۇلتتىق پورتالى
