«شىمكەنت جۇرەك ورتالىعى» مەكەمەسىندە جۇرەكتىڭ سول جاق قارىنشاسىنىڭ قىزمەتىن جاقسارتۋ ءۇشىن مەحانيكالىق قولداۋ قۇرىلعىسىن يمپلانتاتسيالاۋ بويىنشا كەزەكتى شەبەرلىك ساعاتى وتۋدە.
اتالعان شەبەرلىك ساعاتىن «ۇلتتىق عىلىمي كارديوحيرۋرگيالىق ورتالىعى» كەاق جانە «شىمكەنت جۇرەك ورتالىعىنىڭ» كارديوحيرۋرگتارى مەن كارديولوگتارى بىرلەسە ۇيىمداستىرىپ وتىر.
«شىمكەنت جۇرەك ورتالىعى» بۇگىندە جۇرەك-قان تامىرلارى اۋرۋلارىن ەمدەۋدىڭ يننوۆاتسيالىق ادىستەرىن ەنگىزۋ، ماماندار دايارلاۋ جانە وقىتۋ ورتالىعىنا اينالدى. قازىرگى تاڭدا شىمكەنت قالاسىندا دا سوزىلمالى جۇرەك جەتىسپەۋشىلىگىن ەمدەۋدىڭ حيرۋرگيالىق ادىستەرىن ەنگىزۋ قولعا الىنىپ وتىر. بۇعان دەيىن اتالعان وتا ءتۇرى تەك نۇر-سۇلتان قالاسىندا جاسالاتىن.
2018 جىلدان باستاپ ەلىمىزدە سوزىلمالى جۇرەك جەتىسپەۋشىلىگىن ەمدەۋ بويىنشا جول كارتاسى باعدارلاماسى ىسكە قوسىلدى. ونىڭ شەڭبەرىندە وڭىرلەردە سوزىلمالى جۇرەك اۋرۋلارىن ەمدەۋ كابينەتتەرىن اشۋ كوزدەلگەن.
شىمكەنت قالاسى اكىمدىگىنىڭ ءباسپاسوز قىزمەتى
