شىمكەنت قالاسىنىڭ دەنە شىنىقتىرۋ جانە سپورت باسقارماسى مەن ورتالىق ازيا يننوۆاتسيالىق ۋنيۆەرسيتەتىنىڭ، اكادەميك ماردان ساپارباەۆ ينستيتۋتىنىڭ ۇيىمداستىرۋىمەن شىمكەنت قالاسىندا قازاقستان رەسپۋبليكاسىنىڭ تۇڭعىش پرەزيدەنتى كۇنىنە اسانباي اسقاروۆ اتىنداعى دەندرو ساياباقتا 1-جەلتوقسان كۇنى ساعات 11:00-دە ۆەلو شەرۋ ۇيىمداستىرىلادى.
ءىس-شارا 24.KZ تەلەارناسى ارقىلى تىكەلەي ەفيردە قازاقستان رەسپۋبليكاسىنىڭ مادەنيەت جانە سپورت ءمينيسترى رايىمقۇلوۆا اقتوتى راحمەتوللاقىزىنىڭ سوزىمەن باستاۋ الىپ، شىمكەنت قالاسىنىڭ دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەرمەك امانجولۇلىنىڭ ۆەلو شەرۋ قاتىسۋشىلارىن 1 جەلتوقسان - قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتاپ، مەرەكەنىڭ ماڭىزىنا توقتالۋىمەن جالعاسادى.
تۇڭعىش پرەزيدەنتى كۇنىنە ۇيىمداستىرىلاتىن ۆەلو شەرۋدىڭ ماقساتى تۇرعىندارعا سالاۋاتتى ءومىر سالتىن ناسيحاتتاۋ بولىپ تابىلادى.
ۆەلو شەرۋگە قالا تۇرعىندارى مەن ستۋدەنت جاستار (قوسا العاندا 100-دەن اسا ادام) قاتىسادى. قاتىسۋشىلار 5 شاقىرىم قاشىقتىقتا ۆەلو جولاقتى ءجۇرىپ وتەدى.
ءىس-شارادا ۆەلوسيپەد سپورتىنان قالانىڭ جەتەكشى سپورتشىلارى مەن جاتتىقتىرۋشىلارى شەبەرلىك ساباقتارىن كورسەتىپ، قاۋىپسىزدىك شارالارىنا توقتالادى. وسىلايشا اتاۋلى سپورتتىق ءىس-شارا باستاۋ الادى.
