قازاقستاننىڭ تۇڭعىش پرەزيدەنتى نۇرسۇلتان نازارباەۆ "Qazaq. التىن ادامنىڭ تاريحى" دەرەكتى فيلمىندە ەۋرووداق پەن ەۋرازيالىق ەكونوميكالىق وداقتىڭ بولاشاقتا بىرىگۋى مۇمكىن ەكەنىن ايتتى، دەپ حابارلايدى «ادىرنا» ءتىلشىسى.
«جاقىن جەردە شانحاي ىنتىماقتاستىق ۇيىمى ورنالاسقان. ول ەكونوميكالىق، ينفراقۇرىلىمدىق بولىپ ەسەپتەلەدى. كىم بىلەدى، مىسالى، مەن بولاشاقتا ەۋرازيالىق وداق پەن شانحايدىڭ بىرىگەتىنىنە سەنەر ەدىم. ال ەۋروپالىق وداق پەن ەۋرازيالىق وداق بىرىگىپ، ءبىرتۇتاس بولسا، ءتىپتى جاقسى بولار ەدى. بىراق بۇل قاشان بولاتىنىن بىلمەيمىن»،– دەدى ول.
سونداي-اق نازارباەۆ ەاەو-نىڭ دامۋ پەرسپەكتيۆالارى بار ەكەنىن اتاپ ءوتتى.
«ءبىز، ەشتەڭەگە قاراماستان، قاتەلەردى تۇزەتىپ، ءوزارا كەلىسىپ، ناعىز ەۋرازيالىق ەكونوميكالىق وداق قۇرۋىمىز كەرەك»،– دەپ قوستى ەلباسى.
«ادىرنا» ۇلتتىق پورتالى
