شىمكەنتتە جىل باسىنان بەرى الەۋمەتتىك قىزمەت كورسەتۋ جۇيەسىن جەتىلدىرۋ ماقساتىندا الەۋمەتتىك قىزمەتتەر پورتالى جۇمىس ىستەيدى. بۇگىندە الەۋمەتتىك پورتال ارقىلى مۇمكىندىگى شەكتەۋلى ازاماتتار قىزمەتتىڭ 55 ءتۇرىن ونلاين تۇردە الۋعا مۇمكىندىگى بار.
وسى ورايدا، قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى «حالىققا الەۋمەتتىك قىزمەت كورسەتەتىن قالالىق اۋماقتىق ورتالىعى» مۇمكىندىگى شەكتەۋلى ازاماتتارعا ۇيدە وتىرىپ، الەۋمەتتىك پورتال ارقىلى قۇجاتتاردى راسىمدەۋدى، EGOV-قا كىرىپ برون جاساۋدى، تىركەلۋدى جانە Facebook پەن VK الەۋمەتتىك جۇيەلەرىنە كىرىپ، قولدانۋدى ۇيرەتۋدە.
ايتا كەتەيىك، كومەك تۇرىنە تاپسىرىس بەرۋ كورسەتىلەتىن قىزمەتتى الۋشىنىڭ ەلەكتروندىق تسيفرلىق قولتاڭباسىمەن راستاۋ ارقىلى جۇزەگە اسىرىلادى. وڭالتۋ قۇرالدارى پروتەزدىك-ورتوپەديالىق، سۋردوتەحنيكالىق، تيفلوتەحنيكالىق جانە گيگيەنالىق قۇرالدارمەن سونداي-اق، كرەسلو-اربالار بەرۋ قاراستىرىلعان. بەرىلگەن تاپسىرىس بويىنشا وڭالتۋ تەحنيكالىق قۇرالدارى ۇيگە دەيىن جەتكىزىلىپ بەرىلەدى.
