Shymkentte jyl basynan beri áleýmettik qyzmet kórsetý júıesin jetildirý maqsatynda Áleýmettik qyzmetter portaly jumys isteıdi. Búginde áleýmettik portal arqyly múmkindigi shekteýli azamattar qyzmettiń 55 túrin onlaın túrde alýǵa múmkindigi bar.
Osy oraıda, qalalyq Jumyspen qamtý jáne áleýmettik qorǵaý basqarmasyna qarasty «Halyqqa áleýmettik qyzmet kórsetetin qalalyq aýmaqtyq ortalyǵy» múmkindigi shekteýli azamattarǵa úıde otyryp, áleýmettik portal arqyly qujattardy rásimdeýdi, EGOV-qa kirip bron jasaýdy, tirkelýdi jáne Facebook pen VK áleýmettik júıelerine kirip, qoldanýdy úıretýde.
Aıta keteıik, kómek túrine tapsyrys berý kórsetiletin qyzmetti alýshynyń elektrondyq ıfrlyq qoltańbasymen rastaý arqyly júzege asyrylady. Ońaltý quraldary protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldarmen sondaı-aq, kreslo-arbalar berý qarastyrylǵan. Berilgen tapsyrys boıynsha ońaltý tehnıkalyq quraldary úıge deıin jetkizilip beriledi.
