ۇرپاق ساۋلىعى — ۇلت ساۋلىعى. ال، ءاربىر ءبۇلدىرشىننىڭ قوعامدا ءوز كەتىگىن تاۋىپ، كىرپىش بولىپ قالانۋى جولىندا ەلىمىزدە ءتۇرلى جوبالار جۇزەگە اسىپ، باستامالار ءوز ناتيجەسىن بەرۋدە. وسىنداي تىڭ باستامالاردىڭ ءبىرى – شىمكەنتتەگى 5 جاسقا دەيىنگى ەرەكشە قاجەتتىلىگى بار بالالارعا ارنالعان «قامقورلىق» وڭالتۋ ورتالىعى. ن.نازارباەۆ قورىنىڭ قولداۋىمەن اشىلعان «قامقورلىق» وڭالتۋ ورتالىعى شىمكەنتتە 2020 جىلدىڭ جەلتوقسان ايىنان باستاپ جۇمىس ىستەپ كەلەدى.
