شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ ۇيىمداستىرۋىمەن قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويىنا وراي جانە تۇڭعىش پرەزيدەنت كۇنىنە ارنالعان "تاۋەلسىزدىك ۇرپاعى" جوباسى اياسىندا تاۋەلسىزدىك قۇرداستارى مەن تاۋەلسىزدىك جىلدارىندا جەتىستىككە جەتكەن بىرقاتار جاستاردى، جانە "جاس ۆولونتەر" جوباسى اياسىندا جەڭىمپاز اتانعان ۆولونتەرلىك توپتاردى ماراپاتتاۋ ءراسىمى ءوتتى.
شارانىڭ ماقساتى جەتىستىككە جەتكەن جاستاردىڭ رۋحىن كوتەرۋ، ولاردى قالىڭ كوپشىلىككە تانىستىرۋ، تاۋەلسىزدىك جىلدارىنداعى ەلدىڭ دامۋىنا قوسقان ۇلەستەرى ءۇشىن ماراپاتتاۋ بولىپ وتىر.
ماراپاتتاۋ راسىمىنە شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنا قاراستى "جاستار رەسۋرستىق ورتالىعىنىڭ" ديرەكتورى ايتباەۆ ەرلان سادىربايۇلى ارناي قۇتتىقتاپ، "تاۋەلسىزدىك ۇرپاعى" جوباسى اياسىندا تاۋەلسىزدىك قۇرداستارى مەن تاۋەلسىزدىك جىلدارىندا جەتىستىككە جەتكەن 30 جاسقا العىس حات ۇسىنىپ، "جاس ۆولونتەر" جوباسى اياسىندا جەڭىمپاز اتانعان "ىزگىلىكتە جارىسايىق" قايىرىمدىلىق ۇيىمى جانە "شىمكەنت قالاسىنىڭ ACCESS بىتىرۋشىلەرى "ASAA" جاستار قوعامدىق بىرلەستىكتەرىنە ارنايى 1 ملن تەڭگەدەن قارجىلاي سىيلىق تابىستالدى.
جالپى ءىس-شارا قالامىزداعى بىرقاتار جوعارى جانە ورتا ارناۋلى وقۋ ورىندارىنىڭ بەلسەندى جاستارى مەن ۆولونتەرلىك ۇيىمداردىڭ مۇشەلەرىنە ارناپ كونتسەرتتىك نومەرلەرمەن جالعاسىن تاپتى.
