تاپانشا جانە پىشاقپەن شابۋىلداعان: الماتىدا ءۇش قىلمىسكەر ۇستالدى (ۆيدەو)

2741
Adyrna.kz Telegram

الماتى وبلىسىندا ءۇش ەر ادام تاپانشا جانە پىشاقپەن جەرگىلىكتى تۇرعىندارعا شابۋىل جاسادى، دەپ حابارلايدى "ادىرنا" ۇلتتىق پورتالى.

بۇل تۋرالى قازاقستان رەسپۋبليكاسى ىشكى ىستەر مينيسترلىگىنىڭ اقپاراتتىق مەديا-پورتالىندا حابارلاندى.

"قاراشا ايىنىڭ 6-9-ى ارالىعىندا قاراساي اۋداندىق پوليتسيا ءبولىمىنىڭ كەزەكشى بولىمىنە ءۇش جەرگىلىكتى تۇرعىن وزدەرىنە قارسى جاسالعان قارۋلى شابۋىل جونىندە ارىزدانعان. ءۇش قىلمىسكەردە دە مەديتسينالىق بەتپەردە بولعان جانە قالپاق جانە كاپيۋشون كيگەن. قىلمىسكەرلەر تۇندە جالعىز ءوتىپ بارا جاتقان ادامدارعا شابۋىل جاساپ، كۇش قولدانۋ ارقىلى زارداپ شەككەندەردىڭ قۇنى 330 مىڭنان 840 مىڭ تەڭگەگە دەيىنگى قىمبات ۇيالى تەلەفوندارىن الىپ كەتكەن".
قازاقستان رەسپۋبليكاسى ىشكى ىستەر مينيسترلىگى

مينيسترلىكتىڭ مالىمەتىنشە، ولار كۇمىس ءتۇستى Hyundai Elantra كولىگىندە بولعان.

بۇل فاكتىلەر 1-باپ بويىنشا تىركەلدى. قازاقستان رەسپۋبليكاسى قىلمىستىق كودەكسىنىڭ 192- بابى، 2-بولىگى، 1 تارماعى «ءبىر توپ ادامدار جاساعان قارۋلى قاراقشىلىق شابۋىل» بويىنشا قىلمىستىق ءىس قوزعالعان بولاتىن. قىلمىسكەرلەر الماتىدا ۇستالدى. ولار بۇرىن توناۋ، دەنساۋلىققا اۋىر زيان كەلتىرۋ جانە ۇرلىق جاساعانى ءۇشىن سوتتالعان بولىپ شىقتى. كۇدىكتىلەردەن پىشاق، تاپانشا جانە ۇرلانعان ءۇش تەلەفوننىڭ ەكەۋى تاركىلەندى.
قازاقستان رەسپۋبليكاسى ىشكى ىستەر مينيسترلىگى

بەلگىلى بولعانداي، قىلمىستىق ۇشتىك جالعا الىنعان كولىكپەن ويداعى ارەكەتتەرىن ىسكە اسىرعان بولىپ شىقتى.

"ادىرنا" ۇلتتىق پورتالى

پىكىرلەر