پرەزيدەنتىمىز قاسىم جومارت كەمەلۇلى توقاەۆ بيىلعى «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا «قازىرگى زاماندا باسەكەگە قابىلەتتىلىكتىڭ باستى فاكتورىنىڭ ءبىرى – بارىنشا تسيفرلاندىرۋ ەكەنىن جانە مەملەكەتتىك قىزمەتتەر ازاماتتارعا سمارتفوننان 100 پايىز قولجەتىمدى بولۋى كەرەك» ەكەنىن اتاپ وتكەن بولاتىن.
جوسپاردى ورىنداۋ ماقساتىندا مەملەكەتتىك كورسەتىلەتىن قىزمەتتەردىڭ ساپاسىن ارتتىرۋ، قىزمەت الۋشىلارعا سونداي-اق، مۇمكىندىگى شەكتەۋلى ازاماتتارعا جاعداي جاساۋ ءۇشىن جۇمىسپەن قامتۋ، الەۋمەتتىك باعدارلامالار جانە ازاماتتىق حال اكتىلەرىن تىركەۋ ءبولىمىنىڭ عيماراتىندا «وpen تaldykorgan» الەۋمەتتىك سالا جانە ازاماتتىق حال اكتىلەرىن تىركەۋ قىزمەتتەرىن كورسەتەتىن ورتالىق اشىلدى.
جالپى،تالدىقورعان قالاسى اكىمدىگىنە قاراستى 11 مەملەكەتتىك مەكەمە 63 مەملەكەتتىك قىزمەت ءتۇرى بويىنشا قىزمەت كورسەتەدى. 2021 جىلدىڭ ءىىى توقسانىنا 40 مىڭنان استام مەملەكەتتىك قىزمەت كورسەتىلگەن.
قازىرگى ۋاقىتتا قالا بويىنشا كورسەتىلگەن مەملەكەتتىك قىزمەتتەردىڭ باسىم بولىگى جۇمىسپەن قامتۋ، الەۋمەتتىك باعدارلامالار جانە ازاماتتىق حال اكتىلەرىن تىركەۋ بولىمىمەن كورسەتىلۋدە (32 165 قىزمەت نەمەسە 80,3%).
سونىمەن قاتار، ەلەكتروندىق قىزمەتتەردىڭ قولجەتىمدىلىگىن قامتاماسىز ەتۋ ماقساتىندا قالا بويىنشا 48 وزىنە-ءوزى قىزمەت كورسەتۋ بۇرىشتارى قىزمەت ەتۋدە.
ەل تاريحىندا ەلەۋلى مەرەكە قازاقستان رەسپۋبليكاسىنىڭ 30 جىلدىعى قارساڭىندا تالدىقورعان قالاسىندا دۇنيەگە كەلگەن 4500 نارەستەنىڭ مالىمەتتەرى ازاماتتىق حال اكتىلەرىنىڭ جازبالارىنا تىركەلىپ، تۋ تۋرالى كۋالىگى بەرىلدى.
قازىرگى تاڭدا بولىممەن كورسەتىلەتىن مەملەكەتتىك قىزمەتتەردىڭ 22 ءتۇرىن، ياعني 90% ەلەكتروندى تۇردە www.egov.kz «ەلەكتروندى ۇكىمەت» ۆەب پورتالى ارقىلى ۇيدەن شىقپاي اق الۋ مۇمكىندىگى بار. ول ءۇشىن مەملەكەتتىك قىزمەتتى ەلەكتروندىق تۇردە الۋ ءۇشىن – ءاربىر ازاماتقا ەلەكتروندىق تسيفرلىق قولتاڭبا الىپ، «ەلەكتروندى ۇكىمەت» ۆەب-پورتالىنا تىركەلۋ قاجەت.
ايتا كەتۋ كەرەك، 2021 جىلعى قاڭتار ايىنان باستاپ مۇگەدەكتىگى بار تۇلعالارعا ارنالعان وڭالتۋ باعدارلاماسىنىڭ نەگىزىندە گيگيەنالىق قۇرالدارمەن، ساناتورلىق-كۋرورتتىق جولدامالارمەن، تيفلوقۇرالدار مەن سۋردوقۇرالدارمەن، پروتەزدىك-ورتوپەديالىق بۇيىمدارمەن، قول اربامەن، ءجۇرىپ تۇرۋى قيىن 1 توپتاعى مۇگەدەككە جەكە كومەكشىنىڭ قىزمەتىمەن جانە مۇگەدەككە ىمداۋ ءتىلى مامانىنىڭ قىزمەتىمەن «الەۋمەتتىك قىزمەتتەر» پورتالى ارقىلى قامتاماسىز ەتىلەدى.
