Taldyqorǧanda 4500 näreste alǧaşqy memlekettık qyzmet - tuu turaly kuälıkterın aldy

Prezidentımız Qasym Jomart Kemelūly Toqaev biylǧy «Halyq bırlıgı jäne jüielı reformalar – el örkendeuınıŋ berık negızı» atty Qazaqstan halqyna joldauynda «Qazırgı zamanda bäsekege qabılettılıktıŋ basty faktorynyŋ bırı – barynşa sifrlandyru ekenın jäne Memlekettık qyzmetter azamattarǧa smartfonnan 100 paiyz qoljetımdı boluy kerek» ekenın atap ötken bolatyn.

Jospardy oryndau maqsatynda memlekettık körsetıletın qyzmetterdıŋ sapasyn arttyru, qyzmet aluşylarǧa sondai-aq, mümkındıgı şekteulı azamattarǧa jaǧdai jasau üşın jūmyspen qamtu, äleumettık baǧdarlamalar jäne azamattyq hal aktılerın tırkeu bölımınıŋ ǧimaratynda «Open Taldykorgan» äleumettık sala jäne azamattyq hal aktılerın tırkeu qyzmetterın körsetetın ortalyq aşyldy. Jalpy,Taldyqorǧan qalasy äkımdıgıne qarasty 11 memlekettık mekeme 63 memlekettık qyzmet türı boiynşa qyzmet körsetedı. 2021 jyldyŋ III toqsanyna 40 myŋnan astam memlekettık qyzmet körsetılgen. Qazırgı uaqytta qala boiynşa körsetılgen memlekettık qyzmetterdıŋ basym bölıgı jūmyspen qamtu, äleumettık baǧdarlamalar jäne azamattyq hal aktılerın tırkeu bölımımen körsetılude (32 165 qyzmet nemese 80,3%). Sonymen qatar, elektrondyq qyzmetterdıŋ qoljetımdılıgın qamtamasyz etu maqsatynda qala boiynşa 48 özıne-özı qyzmet körsetu būryştary qyzmet etude. El tarihynda eleulı mereke Qazaqstan Respublikasynyŋ 30 jyldyǧy qarsaŋynda Taldyqorǧan qalasynda düniege kelgen 4500 närestenıŋ mälımetterı azamattyq hal aktılerınıŋ jazbalaryna tırkelıp, tuu turaly kuälıgı berıldı. Qazırgı taŋda bölımmen körsetıletın memlekettık qyzmetterdıŋ 22 türın, iaǧni 90% elektrondy türde www.egov.kz «Elektrondy ükımet» veb portaly arqyly üiden şyqpai aq alu mümkındıgı bar. Ol üşın memlekettık qyzmettı elektrondyq türde alu üşın – ärbır azamatqa elektrondyq sifrlyq qoltaŋba alyp, «Elektrondy ükımet» veb-portalyna tırkelu qajet. Aita ketu kerek, 2021 jylǧy qaŋtar aiynan bastap mügedektıgı bar tūlǧalarǧa arnalǧan oŋaltu baǧdarlamasynyŋ negızınde gigienalyq qūraldarmen, sanatorlyq-kurorttyq joldamalarmen, tifloqūraldar men surdoqūraldarmen, protezdık-ortopediialyq būiymdarmen, qol arbamen, jürıp tūruy qiyn 1 toptaǧy mügedekke jeke kömekşınıŋ qyzmetımen jäne mügedekke ymdau tılı mamanynyŋ qyzmetımen «Äleumettık qyzmetter» Portaly arqyly qamtamasyz etıledı.