تالدىقورعان قالاسىنداعى نازارباەۆ زياتكەرلىك مەكتەبى مەن A&A : IT- SERVICES & EDUCATION جاستار قوعامدىق بىرلەستىگى اراسىندا ىنتىماقتاستىق تۋرالى مەموراندۋمعا قول قويىلدى.
زياتكەرلىك مەكتەبىنىڭ ديرەكتورى ۆيكتور سوسين مەن جاستار قوعامدىق بىرلەستىگىنىڭ ديرەكتورى قۋانىش كاپانوۆتىڭ كەزدەسۋى NIS قابىرعاسىندا ءوتتى.
مەموراندۋمنىڭ ماقساتى «ماڭگىلىك ەل» قۇندىلىعى جانە «رۋحاني جاڭعىرۋ» باعدارلاماسى نەگىزىندە وقىتۋ مەن تاربيەنى بىرىكتىرەتىن ءبىرتۇتاس ءبىلىم بەرۋ ءۇردىسىن جۇزەگە اسىرۋ ءۇشىن ۇزاقمەرزىمدى الەۋمەتتىك جوباسى اياسىندا تاراپتار اراسىندا سەرىكتەستىك ورناتۋ بولىپ تابىلادى.
بيىلعى جىلى «JARYQ» جاڭا الەۋمەتتىك جوباسى ىسكە قوسىلدى. جوبا بويىنشا زياتكەرلىك مەكتەبىنىڭ وقۋشىلارى برايل ءشريفتىن قازاق، ورىس، اعىلشىن تىلدەرىندە ۇيرەنۋگە ارنالعان كومەكشى قۇرىلعىنى قۇراستىرۋدى، زاعيپ جاندارعا ارنالعان اۋديوكىتاپ جازۋدى (پاندىك وقۋلىقتار، ادەبي كىتاپتار), ءبىلىم الۋعا ارنالعان ونلاين سايت اشۋدى كوزدەپ وتىر.
مەنىڭ ويىمشا ادام قانداي بولسا دا، ءار ادامنىڭ وزگەلەرمەن قاتار دامىپ، باقىتتى بولۋىنا قۇقىعى بار. مەن تەك وزگەلەرگە شىن نيەتپەن، رياسىز قىزمەت ەتكىم كەلەدى. ءبىزدىڭ مەكتەپ وقۋشىلارىنا دا سونى دارىپتەپ كومەكتەسۋدى ۇستانامىن. سوندىقتان وسى جوبانى قولعا الىپ، وزگە دە قاتىسۋشىلارمەن بىرگە يگى ءىس اتقارۋعا بەل بۋدىق، — دەپ 12-سىنىپ وقۋشىسى جانە "Jaryq" الەۋمەتتىك جوباسىنىڭ پرەزيدەنتى ايگۋل ماكەتاەۆا پىكىرىن ءبىلدىردى.
