قازاقستان مەن وزبەكستان $5,9 ملرد دوللارلىق كەلىسىمدەرگە قول قويدى

2761
Adyrna.kz Telegram

ەلوردادا قازاقستان-وزبەكستان بيزنەس-فورۋمى مەن قازاقستان-وزبەكستان ىسكەرلىك كەڭەسىنىڭ 4-ءشى وتىرىسى ءوتىپ، جالپى سوماسى 5,9 ميلليارد اقش دوللارىن قۇرايتىن كەلىسىمدەرگە قول قويىلدى، دەپ حابارلايدى "ادىرنا" ۇلتتىق پورتالى. 

دەرەكتەرگە سۇيەنسەك، قازاقستاندا وزبەك كاپيتالىنىڭ قاتىسۋىمەن 1400 كاسىپورىن جۇمىس ىستەيدى. تۇركىستان وبلىسىندا وتكەن بۇل فورۋم قارساڭىندا ەكى ەلدىڭ كاسىپكەرلەرى دە 600 ميلليون دوللارعا كەلىسىمگە كەلدى.

فورۋم بارىسىندا مينيسترلىكتەر، ۆەدومستۆولار، سالالىق قاۋىمداستىقتار مەن بيزنەس وكىلدەرى ىنتىماقتاستىقتىڭ كەلەشەگى تۋرالى ايتىپ، پەرسپەكتيۆالىق بىرلەسكەن جوبالاردى تانىستىردى. وتىرىسقا قاتىسۋشىلار ۇسىنىلعان جوبالاردى مەملەكەتتىك قولداۋدىڭ پراكتيكالىق اسپەكتىلەرى مەن تەتىكتەرىن "G2B" جانە "B2B"فورماتتارىنداعى كەلىسسوزدەردى تالقىلادى.

- فورۋم قورىتىندىسى بويىنشا جالپى سوماسى 5,9 ميلليارد دوللاردى قۇرايتىن ساۋدا كەلىسىمشارتتارى مەن ەكىجاقتى كەلىسىمدەرگە قول قويىلدى، - دەپ حابارلادى مينيسترلىك.

جاسالعان كەلىسىمدەر الداعى بىرنەشە جىلدا 20-30 مىڭ جاڭا جۇمىس ورنىن اشۋعا نەگىز بولادى.

وتىرىس قورىتىندىسى بويىنشا قازاقستان رەسپۋبليكاسىنىڭ ۇلتتىق كاسىپكەرلەر پالاتاسى مەن وزبەكستان رەسپۋبليكاسىنىڭ ساۋدا-ونەركاسىپ پالاتاسى قازاقستان-وزبەكستان ىسكەرلىك كەڭەسىنىڭ 2022 جىلعا ارنالعان نەگىزگى ءىس-قيمىل جوسپارىن ماقۇلدادى.

"ادىرنا" ۇلتتىق پورتالى

پىكىرلەر