Elordada Qazaqstan-Ózbekstan bıznes-forýmy men Qazaqstan-Ózbekstan Iskerlik keńesiniń 4-shi otyrysy ótip, jalpy somasy 5,9 mıllıard AQSh dollaryn quraıtyn kelisimderge qol qoıyldy, dep habarlaıdy "Adyrna" ulttyq portaly.
Derekterge súıensek, Qazaqstanda ózbek kapıtalynyń qatysýymen 1400 kásiporyn jumys isteıdi. Túrkistan oblysynda ótken bul forým qarsańynda eki eldiń kásipkerleri de 600 mıllıon dollarǵa kelisimge keldi.
Forým barysynda mınıstrlikter, vedomstvolar, salalyq qaýymdastyqtar men bıznes ókilderi yntymaqtastyqtyń keleshegi týraly aıtyp, perspektıvalyq birlesken jobalardy tanystyrdy. Otyrysqa qatysýshylar usynylǵan jobalardy memlekettik qoldaýdyń praktıkalyq aspektileri men tetikterin "G2B" jáne "B2B"formattaryndaǵy kelissózderdi talqylady.
- Forým qorytyndysy boıynsha jalpy somasy 5,9 mıllıard dollardy quraıtyn saýda kelisimsharttary men ekijaqty kelisimderge qol qoıyldy, - dep habarlady mınıstrlik.
Jasalǵan kelisimder aldaǵy birneshe jylda 20-30 myń jańa jumys ornyn ashýǵa negiz bolady.
Otyrys qorytyndysy boıynsha Qazaqstan Respýblıkasynyń Ulttyq Kásipkerler Palatasy men Ózbekstan Respýblıkasynyń Saýda-ónerkásip palatasy Qazaqstan-Ózbekstan Iskerlik keńesiniń 2022 jylǵa arnalǵan negizgi is-qımyl josparyn maquldady.
"Adyrna" ulttyq portaly
