اتىراۋدا 21 جاستاعى جىگىت بىرنەشە كۇننەن بەرى تابىلماي جاتىر. ونى 30 قاراشا كۇنى اتىراۋ قالالىق پوليتسيا باسقارماسىنا تەرگەۋگە شاقىرعان، دەپ حابارلايدى "ادىرنا" ۇلتتىق پورتالى "Stan.kz-كە" سىلتەمە جاساپ.
ول 30 قاراشادا تاڭەرتەڭ ۇيىنەن پراكتيكاعا بارۋعا شىققان. بۇدان سوڭ پوليتسيا دەپارتامەنتىنە تەرگەۋگە بارۋ كەرەك بولعان. ونىڭ قانداي باپ بويىنشا جاۋاپ الۋعا شاقىرىلعانى بەلگىسىز. جاس جىگىت پوليتسيا باسقارماسىنىڭ دالىزىندە ءبىراز ۋاقىت وتىرعاننان كەيىن كوشەگە شىعىپ، بايلانىسقا شىقپاي قالعان.
اناسىنىڭ ايتۋىنشا، سوڭعى رەت 30 قاراشادا كەشكى جەتىدە بالاسىمەن سويلەسكەن. وسىدان كەيىن ونىڭ تەلەفونى وشىرىلگەن. الەۋمەتتىك جەلىدە جوعالعان جىگىت تۋرالى اقپارات تاراپ جاتىر.
“جىگىتتى ىزدەستىرىپ جاتىرمىز. ازىرشە قايدا ەكەنى انىقتالعان جوق”، —دەدى وبلىستىق پد ءباسپاسوز قىزمەتىندەگىلەر.
"ادىرنا" ۇلتتىق پورتالى
