Atyraýda 21 jastaǵy jigit birneshe kúnnen beri tabylmaı jatyr. Ony 30 qarasha kúni Atyraý qalalyq polıııa basqarmasyna tergeýge shaqyrǵan, dep habarlaıdy "Adyrna" ulttyq portaly "Stan.kz-ke" silteme jasap.
Ol 30 qarashada tańerteń úıinen praktıkaǵa barýǵa shyqqan. Budan soń polıııa departamentine tergeýge barý kerek bolǵan. Onyń qandaı bap boıynsha jaýap alýǵa shaqyrylǵany belgisiz. Jas jigit polıııa basqarmasynyń dálizinde biraz ýaqyt otyrǵannan keıin kóshege shyǵyp, baılanysqa shyqpaı qalǵan.
Anasynyń aıtýynsha, sońǵy ret 30 qarashada keshki jetide balasymen sóılesken. Osydan keıin onyń telefony óshirilgen. Áleýmettik jelide joǵalǵan jigit týraly aqparat tarap jatyr.
“Jigitti izdestirip jatyrmyz. Ázirshe qaıda ekeni anyqtalǵan joq”, —dedi oblystyq PD baspasóz qyzmetindegiler.
"Adyrna" ulttyq portaly
