اق ءۇي اكىمشىلىگى ۋكرايناعا قارۋ جەتكىزۋ جونىندەگى قۇجاتقا قول قويدى. رەسەيدىڭ 115 مىڭعا جۋىق اسكەري كۇشتەرىنىڭ ۋكراينا شەكاراسى ماڭىنا توپتاسۋىنا بايلانىستى اق ءۇي قازىر ۋكرايناعا اسكەري كەڭەسشىلەرى مەن قارۋلارىن جىبەرىپ جاتىر.
CNN اقپاراتتىق اگەنتتىگىنىڭ حابارلاۋىنشا، اق ءۇي ۋكرايناعا تانكىلەرگە قارسى زىمىراندار مەن دجەۆەليندەردى، مينومەتتەردى جىبەرگەن. اقپارات كوزدەرىنىڭ ايتۋىنشا، ۋكرايناعا جىبەرىلگەن قارۋدىڭ قازىرگى قۇنى 60 ميلليون دوللاردى قۇرايدى. قارۋلاردىڭ ىشىندە "ستينگەر" اتتى زەنيتتى زىمىراندار كەشەنى دە بار. جۋىق ارادا پەنتاگون مي-17 بومبالاۋشى تىكۇشاقتارىن اتتاندىرماقشى. بايدەننىڭ بۇل شەشىمىنە كەيبىر وكىلدەر پالاتاسىنىڭ بەلدى تۇلعالارى مازاسىزدانىپ وتىر.
رەسەي مەن ۋكراينا تەكەتىرەسى قارساڭىندا اقش پەن ەۋرووداق ەلدەرى رەسەيگە قارسى جاڭا سانكتسيالار پاكەتتەرىن دايىنداۋدى قولعا الدى.
رەسەي مەن ۋكراينا اراسىنداعى جاعداي تاعى دا كۇرت وزگەرىپ جاتىر.
بۇل گەوساياسي تەكەتىرەس قالاي اياقتالاتىنى ازىرگە بەلگىسىز.
بەكبولات قارجان،
"ادىرنا" ۇلتتىق پورتالى
