«الاتاۋ» ءداستۇرلى ونەر تەاترى ىستامبۇلدا

757

قازاقستان مەن تۇركيا مەملەكەتتەرى اراسىنداعى مادەني بايلانىستاردىڭ ءبىر تارماعى – تەاتر جانە مۋزىكا ونەرى سالاسىنداعى قارىم-قاتىناستار. تۋىستاس ەكى ەلدىڭ مادەني قارىم-كاتىناستارىندا ءداستۇرلى مادەنيەت ۇلگىلەرىن جاڭعىرتۋدىڭ دا ماڭىزى ەرەكشە. بۇل ەكى ەلدىڭ ءتول مادەنيەتى بويىنشا قانداي ەرەكشەلىكتەرى پەن ۇقساستىقتارىنىڭ بار ەكەنىن تانىتاتىن ۇلگى.

الماتى قالاسىنىڭ اكىمدىگى، الماتى قالاسىنىڭ اكىمدىگىنە قاراستى الماتى قالاسى مادەنيەت باسقارماسى، قازاقستان رەسپۋبليكاسىنىڭ تۇركيا رەسپۋبليكاسىنداعى ەلشىلىگى، ىستامبۇل قالاسى اكىمدىگى جانە الماتى قالاسى مادەنيەت باسقارماسىنا قاراستى «الاتاۋ» ءداستۇرلى ونەر تەاترىنىڭ ۇيىمداستىرۋىمەن قازاقستاننىڭ تاۋەلسىزدىگىنىڭ 30 جىلدىعىنا وراي ۇلتتىق ونەرىمىزدى تانىتۋ، ۇلتتىق بىرەگەيلىكتى دارىپتەۋ ماقساتىندا 2021 جىلدىڭ 25 قاراشا كۇنى تۇركيانىڭ ىستامبۇل قالاسىندا دجەمال رەشيت رەي كونسەر سالونۋندا «التىباقان» ويىن-ساۋىق ءان كەشى ءوتتى. ۇلتىمىزدىڭ ماقتانىش ەتەر اسىل مۇراسى، رۋحاني جادىگەرلەرى ىشىندە ۇمىت بولىپ بارا جاتقان قازاقتىڭ تۇرمىس-سالتقا باعىتتالعان «التىباقان» ۇلتتىق ويىنى – قازاق جاستارىنىڭ ەرتەدەن كەلە جاتقان كەشكىلىك باس قوسىپ، ءان ايتىپ، دومبىرا تارتىپ، ايتىس جاساپ، بي بيلەپ، ءتۇرلى ويىندار ويناپ، كوڭىل كوتەرىپ، ويىن-ساۋىق قۇراتىن كەشى. وسى ۇلتتىق ويىننىڭ توڭىرەگىندە اۋەلەتكەن ءداستۇرلى ءان مەن كۇمبىرلگەن كۇي، بيلەرىمىز ءبىر بىرىمەن استاسىپ، ويىن-ساۋىق ءان كەشى ۇسىنىلدى. ءان كەشىنە قازاقستان رەسپۋبليكاسىنىڭ تۇركياداعى توتەنشە جانە وكىلەتتى ەلشىسى ابزال ساپاربەكۇلى ارنايى كەلىپ، قۇتتىقتاۋ ءسوزىن ايتتى. سونداي-اق باۋىرلاس تۇرىك ەلىندە ءبىلىم الىپ جۇرگەن وتانداستارىمىز، تۇركيالىقتار جانە ت.ب. بوي كورسەتتى. قازاقستان رەسپۋبليكاسىنىڭ تۇركياداعى توتەنشە جانە وكىلەتتى ەلشىسى ابزال ساپاربەكۇلى، تۇرىك جانە ازەربايجاندىق ونەر ساڭلاقتارى جانە كورەرمەندەر ونەرپازدارىمىزدىڭ تالانتتارىنا ءتانتى بولىپ، ۇلتتىق ونەرىمىزدىڭ وركەندەي بەرۋىنە دەمەۋ كورسەتكەن الماتى قالاسىنىڭ اكىمى باقىتجان ءابدىرۇلى ساعىنتاەۆقا، ونەرپازادارىمىزعا العىستارىن ايتىپ، جىلى لەبىزدەرىن ءبىلدىردى. تەاتر ديرەكتورى – رينات زايتوۆ، كوركەمدىك جەتەكشىسى – جۇلدىزبەك جۇمانباي.


قازاقستاننىڭ تۇڭعىش پرەزيدەنتى – ەلباسى ن. ءا. نازارباەۆ ءوزىنىڭ «ۇلى دالانىڭ جەتى قىرى» اتتى ماقالاسىندا «اۋىزشا جانە مۋزىكالىق ءداستۇردى جاڭعىرتۋ قازىرگى زامانعى اۋديتورياعا جاقىن ءارى تۇسىنىكتى فورماتتا بولۋى كەرەك»، – دەپ اتاپ كورسەتكەن بولاتىن. رۋحاني قۇندىلىقتاردىڭ تۇپكى ءمانى ۇلتتىق ونەر ەكەنى بەلگىلى. بۇل ادامداردىڭ رۋحاني قاجەتتىلىكتەرىن قاناعاتتاندىرادى. قازاق حالقىنىڭ ۇلتتىق ءداستۇرلى ونەرى – ماڭگىلىك وشپەيتىن ومىرشەڭ قازىنا. كۇللى الەمگە ماقتانىشپەن كورسەتە الاتىن سيمۆولىمىز. ءتول ونەرىمىزدى ورگە سۇيرەپ، بارىنشا ناسيحاتتاۋ – بارشامىزدىڭ پارىزىمىز. پاديشا ءداستۇرلى ءان ونەرىمىز قاناتىن كەڭگە جايىپ، ۇلى دالا رۋحى اسقاقتاي بەرگەي!

قۋانىش جۇمابەكۇلى
PhD دوكتورى،
«الاتاۋ» ءداستۇرلى ونەر تەاترى ادەبيەت ءبولىمىنىڭ باسشىسى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket