تالعاردا كىسى قولىنان قازا تاپقان شەرزات پولاتتىڭ وتباسىنا دەمەۋشىلەر ەسەبىنەن ءۇي بەرىلمەك. بۇل تۋرالى بۇگىن، 13 قاڭتاردا قۇقىق قورعاۋشى ايتبەك امانگەلدى ايتتى، دەپ حابارلايدى «ادىرنا» ءتىلشىسى.
«قارجاۋبايدىڭ وتباسى ءۇشىن ءۇي مەتسەناتتىڭ قاراجاتىنا ساتىپ الىنادى، ال پەريزات قايراتتىڭ جيناعان اقشاسى بۇل ماقساتقا جۇمسالمايدى. ءبىزدىڭ بۇل جيناققا قاتىسىمىز جوق بولعاندىقتان، ونىڭ رەكۆيزيتتەرىن بىلمەيمىز. قازىرگى ۋاقىتتا پىكىرلەردە ءارتۇرلى رەكۆيزيتتەر پايدا بولۋدا، الاياقتىق ارەكەتتەرگە جەم بولىپ قالماڭىزدار»،—دەدى ول.
بۇعان دەيىن الماتى وبلىسىنىڭ اكىمى مارات سۇلتانعازيەۆ مارقۇمنىڭ وتباسىنا ءۇي سالۋعا كومەكتەسكىسى كەلەتىن دايىن تۇرعان قايىرىمدى ادامدار بار ەكەنىن ايتقان ەدى.
