قازاق-بريتان تەحنيكالىق ۋنيۆەرسيتەتىنىڭ ستۋدەنتتەرى عيماراتتاعى ورتتەن كەيىن ونلاين وقۋعا كوشتى. بۇل تۋرالى بۇگىن جوو-نىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«ستۋدەنتتەر مەن قىزمەتكەرلەردىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارا قابىلدانىپ جاتىر. عيماراتتىڭ ورتكە قارسى قورعانىس جۇيەلەرى دەر كەزىندە قوسىلىپ، ءورتتىڭ تارالۋىنا جول بەرمەدى جانە شىعىندى بارىنشا ازايتتى. قازىر ءورتتىڭ شىعۋ سەبەبى انىقتالىپ جاتىر.وقيعاعا بايلانىستى وقۋ پروتسەسى 20 قاڭتارعا دەيىن ۋاقىتشا ونلاين فورماتقا كوشىرىلدى»،—دەلىنگەن حابارلامادا.
ەسكە سالا كەتسەك، كەشە تۇندە الماتىدا قبتۋ عيماراتى ورتەنىپ جاتقانىن جازعان ەدىك. ءورت ورنىندا جەدەل شتاب قۇرىلىپ، الماتى قالاسى توتەنشە جاعدايلار دەپارتامەنتىنەن 78 ءورت ءسوندىرۋشى مەن 28 تەحنيكا جۇمىلدىرىلدى.
