قر ءبىلىم جانە عىلىم ءمينيسترى اسحات ايماعامبەتوۆ بيىل مەكتەپتەردە جاڭاجىلدىق ەرتەڭگىلىك وتكىزىلمەيتىنىن مالىمدەدى دەپ حابارلايدى "ادىرنا" ۇلتتىق پورتالى.
— مەكتەپتەردە ەرتەڭگىلىكتەر جانە باسقا دا بۇقارالىق ءىس-شارالار وتكىزىلمەيدى. باس سانيتارلىق دارىگەردىڭ شەشىمى بار، ءبىز شەشىمگە باعىنامىز. ال مەرەكەلەردى ءبىر سىنىپ ىشىندە وتكىزۋ تۋرالى شەشىم مەكتەپ اكىمشىلىگى دەڭگەيىندە قابىلدانادى", - دەپ جاۋاپ بەردى ۆەدومستۆو باسشىسى سەنات وتىرىسىندا.
سونداي-اق وتىرىستا مينيستر وميكرون شتامىنىڭ تارالۋىنا بايلانىستى مەكتەپ وقۋشىلارىن قاشىقتان وقىتۋ فورماتىنا كوشىرۋ مۇمكىندىگى تۋرالى سۇراققا دا جاۋاپ بەردى:
— بۇل تۋرالى ايتۋعا ءالى ەرتە، ءبىز ۆەدومستۆوارالىق كوميسسيانىڭ شەشىمدەرى اياسىندا جۇمىس ىستەيمىز. قازىرگى ۋاقىتتا قورىتىندى شىعارۋعا اقپارات جەتكىلىكسىز", - دەپ ءتۇسىندىردى ا.ايماعامبەتوۆ.
"ادىرنا" ۇلتتىق پورتالى.
