QR Bilim jáne ǵylym mınıstri Ashat Aımaǵambetov bıyl mektepterde jańajyldyq erteńgilik ótkizilmeıtinin málimdedi dep habarlaıdy "Adyrna" ulttyq portaly.
— Mektepterde erteńgilikter jáne basqa da buqaralyq is-sharalar ótkizilmeıdi. Bas sanıtarlyq dárigerdiń sheshimi bar, biz sheshimge baǵynamyz. Al merekelerdi bir synyp ishinde ótkizý týraly sheshim mektep ákimshiligi deńgeıinde qabyldanady", - dep jaýap berdi vedomstvo basshysy Senat otyrysynda.
Sondaı-aq otyrysta mınıstr omıkron shtamynyń taralýyna baılanysty mektep oqýshylaryn qashyqtan oqytý formatyna kóshirý múmkindigi týraly suraqqa da jaýap berdi:
— Bul týraly aıtýǵa áli erte, biz vedomstvoaralyq komıssııanyń sheshimderi aıasynda jumys isteımiz. Qazirgi ýaqytta qorytyndy shyǵarýǵa aqparat jetkiliksiz", - dep túsindirdi A.Aımaǵambetov.
"Adyrna" ulttyq portaly.
