Búgin, ıaǵnı 1 jeltoqsan – tuńǵysh prezıdent kúni. Osy kúnge oraı elbasy týraly qyzyqty derekterdi nazarlaryńyzǵa usynamyz.
1. Nursultan Nazarbaev joǵary oqý ornynyń synaǵynan óte almaı qalyp, bankte 2 aı qaraýyl bolyp qyzmet istegen;
2. 1997 jyldan beri Perseýs RA 3h 23v Osd 40* 43 nómirli juldyzy elbasynyń atynda;
3. Nursultan Nazarbaev álemdegi ázirge 10-aq adamǵa berilgen altynnan da qymbat baǵalanatyn nıobııden medal taqqan;
4. Nursultan Nazarbaevtyń ákesi Ábish negizi bıdiń urpaǵy. Qazaq, orys jáne balqar tilderin jetik bilgen;
5. Anasy Áljan qazirgi Qordaı aýdany, Qasyq aýylyndaǵy moldanyń qyzy bolǵan;
6. Nursultan Nazarbaev 1995 jyly Abaıdyń 150 jyldyǵyna oraı ómirinde alǵash ret Abaı shyńyna (4010 m) shyqty;
7. Prezıdent 1996 – 2005 jyldar aralyǵyndaǵy eń aýyr synaǵy – 9 jyl boıy kórshilermen delımıtaııa jumysyn júrgizip, tynysh aıaqtady;
8. Elbasy bala kezinen jemis aǵashtaryn býdandastyrýdy úırenip, Almatynyń kolhoz bazaryna alma-almurt ákep satqan;
9. Nursultan Nazarbaev alǵash 5 jasynda atqa mingen, 55 jasynda taý shańǵysyna turǵan;
10. Prezıdentimiz 1995 jyly úlken tennısti úırenip bastady, al 1996 jyldan beri golf oınaıdy;
11. Elbasynyń 12 atasy: Ábish, Nazarbaı, Edil, Kembaba, Myrzataı, Aıdar, Kóshek, Qarasaı, Altynaı, Esqoja, Maldy-Ystyq, Shapyrashty;
12. Nursultan Nazarbaevtyń atasy bı Nazarbaıdyń 1880 jyldary sý dıirmeni jáne oǵan tartylǵan 214 metrlik aryǵy bolǵan;
13. Nursultan Nazarbaev atynda Iordanııada, Túrkııada jáne Sheshenstanda kósheler atalǵan;
14. Elbasy saıası memýarlar oqýdy unatady. Sh.Goll, M.Atatúrik, Ý.Cherchıll ómirlerin túp-tuqııanyna deıin zerttegen;
15. Tek 1991 men 2006 jyldar aralyǵynda prezıdenttiń óz atymen 12 kitaby jaryqqa shyqqan;
16. 1981 jyly Dinmuhammed Qonaev óziniń mereıtoıynda Nursultan Nazarbaevty «ózimniń balam» dep tanystyrǵan.
"Adyrna" ulttyq portaly
