اقش-تاعى قازاق اجەي ءاسيا سارداربەك 105 جاسىندا قايتىس بولدى

4696

اقش-تا 105 جاستاعى قازاق ءاسيا سارداربەك ومىردەن وزدى. بۇل تۋرالى جۋرناليست دارحان ومىربەك ءوزىنىڭ Facebook جەلىسىندە حابارلادى، دەپ جازادى "ادىرنا" ۇلتتىق پورتالى.

ءاسيا سارداربەك 1916 جىلى مويىنقۇمدا (جامبىل وبلىسى) دۇنيەگە كەلىپ، كەڭەس وكىمەتىنىڭ قۋعىن-سۇرگىنىنەن ەكى رەت امان قالعان. ول العاش رەت 1920 جىلدارداعى ۇجىمداستىرۋ كەزىندە اكەسىمەن بىرگە، ەكىنشى رەت كەڭەس وداعى اۋعانستانعا اسكەر كىرگىزگەندە قاشۋعا ءماجبۇر بولعان. كەيىن تۇركيادا، گەرمانيادا تۇرعان.

- كەشە (27 قاراشا) ساعات 5:20-دا ءجۇرىپ كەتتى. بالالارى مەن نەمەرە-شوبەرەلەرىنىڭ ءبارى قاسىندا بولدى. سوۆەت وداعىنا دەيىن تۋىپ، وداقتىڭ ىدىراۋىنان كەيىن 30 جىل ءومىر سۇرگەن ءاسيا اپانىڭ ومىرىندە قازاق حالقىنىڭ عاسىرلىق تاريحى جاتىر، - دەپ جازدى اۆتور.

105 جاستاعى ءاسيا سارداربەك ءومىرىنىڭ سوڭعى 40 جىلىن اقش-تا وتكىزگەن. ۆيردجينيا شتاتىنداعى قارتتار ۇيىندە تۇرعانىمەن، اقش بيلىگى 101 جاسقا كەلگەندە وعان پاتەر مەن كۇتۋشى سىيلاعان.

"ادىرنا" ۇلتتىق پورتالى

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket