AQSh-taǵy qazaq ájeı Ásııa Sardarbek 105 jasynda qaıtys boldy

4697

AQSh-ta 105 jastaǵy qazaq Ásııa Sardarbek ómirden ozdy. Bul týraly jýrnalıst Darhan Ómirbek óziniń Facebook jelisinde habarlady, dep jazady "Adyrna" ulttyq portaly.

Ásııa Sardarbek 1916 jyly Moıynqumda (Jambyl oblysy) dúnıege kelip, Keńes ókimetiniń qýǵyn-súrgininen eki ret aman qalǵan. Ol alǵash ret 1920 jyldardaǵy ujymdastyrý kezinde ákesimen birge, ekinshi ret Keńes Odaǵy Aýǵanstanǵa ásker kirgizgende qashýǵa májbúr bolǵan. Keıin Túrkııada, Germanııada turǵan.

- Keshe (27 qarasha) saǵat 5:20-da júrip ketti. Balalary men nemere-shóbereleriniń bári qasynda boldy. Sovet odaǵyna deıin týyp, odaqtyń ydyraýynan keıin 30 jyl ómir súrgen Ásııa apanyń ómirinde qazaq halqynyń ǵasyrlyq tarıhy jatyr, - dep jazdy avtor.

105 jastaǵy Ásııa Sardarbek ómiriniń sońǵy 40 jylyn AQSh-ta ótkizgen. Vırdjınııa shtatyndaǵy qarttar úıinde turǵanymen, AQSh bıligi 101 jasqa kelgende oǵan páter men kútýshi syılaǵan.

"Adyrna" ulttyq portaly

 

Pikirler
Redakııa tańdaýy