پرەمەر-مينيستر ماڭعىستاۋ وبلىسىندا بولدى

1811
Adyrna.kz Telegram

قر پرەمەر-ءمينيسترى اسقار مامين ماڭعىستاۋ وبلىسىنا جۇمىس ساپارى اياسىندا ءوڭىردىڭ الەۋمەتتىك-ەكونوميكالىق دامۋى ماسەلەلەرى بويىنشا كەڭەس وتكىزدى جانە وڭدەۋ ونەركاسىبى، دەنساۋلىق ساقتاۋ، تىرشىلىكتى قامتاماسىز ەتۋ جانە تۋريستىك ينفراقۇرىلىم سالالارىنداعى جوبالاردىڭ ىسكە اسىرىلۋىن تەكسەردى.

ماڭعىستاۋ وبلىسىنىڭ اكىمى نۇرلان نوعاەۆ، ەنەرگەتيكا ءمينيسترى ماعزۇم مىرزاعاليەۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ، يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ، «قازمۇنايگاز» اق» باسقارما توراعاسىنىڭ ورىنباسارى دانيار بەرلىباەۆ جانە ت. ب. بايانداما جاسادى.

بيىل 4 قاراشادا ۇكىمەت قاۋلىسىمەن ماڭعىستاۋ وبلىسىنىڭ 2021-2025 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارى قابىلداندى، وندا 2,1 ترلن تەڭگە سوماسىنا 214 ءىس-شارانى ىسكە اسىرۋ كوزدەلگەن.

مۇناي-گاز سەكتورىن، وڭدەۋ ونەركاسىبىن، ءتۋريزمدى، كولىك پەن لوگيستيكانى دامىتۋ مىندەتى قويىلدى. الەۋمەتتىك، ينجەنەرلىك-كوممۋنالدىق ينفراقۇرىلىمدى دامىتۋ بويىنشا جوبالار ىسكە اسىرىلاتىن بولادى. قابىلدانعان شارالار ەسەبىنەن ءوڭىر حالقىنىڭ 100%-ى ساپالى اۋىز سۋمەن قامتاماسىز ەتىلەدى. كەشەندى جوسپاردى ىسكە اسىرۋ 60 مىڭعا جۋىق جاڭا جۇمىس ورىندارىن قۇرۋدى، ونەركاسىپ كولەمىنىڭ 27%-عا، حالىقتىڭ ناقتى تابىسىنىڭ 40%-عا جانە جالپى ءوڭىر ەكونوميكاسىنىڭ 32%-عا ءوسۋىن قامتاماسىز ەتەدى.

بيىلعى جىلدىڭ 10 ايىندا ماڭعىستاۋ وبلىسىندا وڭدەۋ ونەركاسىبىنىڭ كولەمى 4,1%-عا ءوسىپ، 150,2 ملرد تەڭگەنى قۇرادى، اۋىل شارۋاشىلىعىنىڭ جالپى ءونىمىنىڭ كولەمى 17,1 ملرد تەڭگەگە جەتتى (+1%). نەگىزگى كاپيتالعا سالىنعان ينۆەستيتسيالار ءوسىمى 0,6% (473,9 ملرد تەڭگە) قۇرادى. قۇرىلىس جۇمىستارىنىڭ كولەمى 22,8%-عا (193,8 ملرد تەڭگە) ۇلعايدى، 954,1 مىڭ شارشى مەتر تۇرعىن ءۇي پايدالانۋعا بەرىلدى.

پرەمەر-مينيستر ماڭعىستاۋ وبلىسىنىڭ الەۋمەتتىك-ەكونوميكالىق دامۋىنىڭ 2021-2025 جىلدارعا ارنالعان كەشەندى جوسپارىنىڭ ۋاقىتىلى ءارى ساپالى ورىندالۋىن قامتاماسىز ەتۋدى تاپسىردى.

كەڭەس بارىسىندا حالىقتى تازا اۋىز سۋمەن قامتاماسىز ەتۋ ماسەلەسىنە ەرەكشە نازار اۋدارىلدى. 2025 جىلعا دەيىن وڭىردە جالپى قۋاتى 286 مىڭ تەكشە مەتر بولاتىن سۋدى تۇششىلاندىرۋدىڭ 9 جوباسىن ىسكە اسىرۋ جوسپارلانىپ وتىر، ونىڭ ىشىندە قۋاتى تاۋلىگىنە 35 مىڭ تەكشە مەتر بولاتىن 3 جوبا 2022 جىلدىڭ ءبىرىنشى جارتىجىلدىعىندا پايدالانۋعا بەرىلەدى.

ۇكىمەت باسشىسى جىلىنا 120 مىڭ جۇپ اياق كيىم شىعاراتىن «Zhamal-ai Ltd» اياق كيىم جانە ارنايى كيىم شىعاراتىن فابريكانىڭ جۇمىسىمەن تانىستى.

اقتاۋ قالاسىنداعى ونكولوگيالىق ديسپانسەردى ارالاۋ كەزىندە پرەمەر-مينيسترگە ماڭعىستاۋ وبلىسىنىڭ دەنساۋلىق ساقتاۋ جۇيەسىنىڭ دامۋى تۋرالى باياندالدى.

ا. مامين «ماەك-قازاتومونەركاسىپ» جشس ەنەرگەتيكالىق كەشەنىن جاڭعىرتۋ جوبالارىمەن تانىستى.  2030 جىلعا دەيىن جەو-2-دە بۋ-گاز قوندىرعىسىن، سونداي-اق جيىنتىق قۋاتى تاۋلىگىنە 24 مىڭ تەكشە مەتر ەكى تۇششىلاندىرۋ قوندىرعىسىن سالۋ جوسپارلانۋدا.

ۇكىمەت باسشىسى سونداي-اق اقتاۋ قالاسىنىڭ تۋريستىك ايماعىن دامىتۋ جوبالارىنىڭ ىسكە اسىرىلۋىن تەكسەردى.

 

 

«ادىرنا» ۇلتتىق پورتالى.

پىكىرلەر