"ەۆروۆيدەنيە - 2008" بايقاۋىنىڭ رەسەيلىك جەڭىمپازى، ءانشى ديما بيلان قازاقستانداعى تويدا ماس كۇيدە ونەر كورسەتتى دەگەن كۇدىككە ءىلىندى. شارانى ۆيدەونى بلوگەر ءبىرجان ءاشىم Instagram پاراقشاسىندا جاريالادى، دەپ حابارلايدى "ادىرنا" ۇلتتىق پورتالى "ren.tv" سايتىنا سىلتەمە جاساپ.
ءارتىس جاس جۇبايلار مەن توي يەلەرىنىڭ الدىندا ونەر كورسەتۋ ءۇشىن ساحناعا شىققان. ۆيدەو اۆتورى جازىلۋشىلاردىڭ نازارىن ءانشىنىڭ ءان ايتا سالۋ مانەرىنە اۋدارتتى. الايدا ديما بيلان اۋديتوريامەن سويلەسۋدە قينالعان. جەلىدە "جىگىتتەر، ول — ەسىرگەن ادام", – دەيدى ءبىرجان قولدانۋشىلارعا.
كەيىن ءانشى ءوزىنىڭ Instagram stories-ىنە كىرىپ، شىنىمەن دە ماس بولعانىن مويىندادى.
"بىلەسىز بە، كەيدە سولاي بولادى. بۇل ءسىزدىڭ باسىڭىزدان وتكەن جوق پا؟ كەيدە ادام ماس بولىپ قالادى. جوق دەسەڭ سەنبەيمىن. ءۇش كۇننەن بەرى ۇيىقتامادىم، سەبەبى ءتۇسىرىلىم، ءتۇسىرىلىم، ءان، مۋزىكا بار. مەندە باسقا امال جوق، قاتتى شارشادىم. ال جاقىندا 40 جاسقا تولامىن. جالپى مەن سوڭعى كەزدە قاتتى قاپىلىس ۇستىندەمىن. مۇنى قالاي تۇسىندىرەرىمدى بىلمەيمىن ", - دەدى بيلان.
ول قازىر اناسى ءستوريستى كورىپ جىلاپ وتىرعانىن، ءوزىنىڭ بۇل قىلىعىنا قاتتى ۇيالاتىنىن ايتتى. "قانشا جاڭا مۋزىكا جازعانىمدى بىلەسىڭ بە؟ مەن تۇتاس البوم جازىپ ۇلگەردىم. ەفيرگە ماس كۇيدە شىعاتىن ادامداردى جەك كورەمىن. ال بۇل جاعدايعا بايلانىستى مەندە ەش جاۋاپ جوق. ءبىز ءبارىمىز وسى پاندەميادان امان وتتىك. مەن ەكى رەت اۋىردىم. برونحيتپەن سىرقاتتانىپ، اياعىم سىنسا دا، كونتسەرتتەر بەردىم. شىنىمدى ايتسام، جاقسى جىگىتپىن. ەرتەڭ بۇل جاعدايعا قاتتى قاپالانارمىن، دەگەنمەن مەنىڭ قانشالىقتى ۋايىمداپ جۇرگەنىمدى بىلسەڭىزدەر", - دەپ قوستى ديما بيلان.
تەلەارنانىڭ حابارلاۋىنشا، ءانشى بۇعان دەيىن دە وعاش قىلىعىمەن كوزگە ءتۇسىپ، جانكۇيەرلەرى مەن جۇرتشىلىق تاراپىنان ساۋالدار تۋعان. 2019 جىلى بيلان ساماراداعى قالا كۇنىندە ونەر كورسەتىپ، ءدال وسىنداي قىلىعىمەن كورەرمەندەرگە ۇناماعان بولاتىن.
"ادىرنا" ۇلتتىق پورتالى.
