Dıma Bılan Qazaqstandaǵy toıda mas kúıinde án aıtqan ba? (Vıdeo)

2847

"Evrovıdenıe - 2008" baıqaýynyń reseılik jeńimpazy, ánshi Dıma Bılan Qazaqstandaǵy toıda mas kúıde óner kórsetti degen kúdikke ilindi. Sharany vıdeony bloger Birjan Áshim Instagram paraqshasynda jarııalady, dep habarlaıdy "Adyrna" ulttyq portaly "ren.tv" saıtyna silteme jasap.

Ártis jas jubaılar men toı ıeleriniń aldynda óner kórsetý úshin sahnaǵa shyqqan. Vıdeo avtory jazylýshylardyń nazaryn ánshiniń án aıta salý mánerine aýdartty. Alaıda Dıma Bılan aýdıtorııamen sóılesýde qınalǵan. Jelide "Jigitter, ol  — esirgen adam", – deıdi Birjan qoldanýshylarǵa.

Keıin ánshi óziniń Instagram stories-ine kirip, shynymen de mas bolǵanyn moıyndady.

"Bilesiz be, keıde solaı bolady. Bul sizdiń basyńyzdan ótken joq pa? Keıde adam mas bolyp qalady. Joq deseń senbeımin. Úsh kúnnen beri uıyqtamadym, sebebi túsirilim, túsirilim, án, mýzyka bar. Mende basqa amal joq,  qatty sharshadym. Al jaqynda 40 jasqa tolamyn. Jalpy men sońǵy kezde qatty qapylys ústindemin.  Muny qalaı túsindirerimdi bilmeımin ", - dedi Bılan.

Ol qazir anasy storısti kórip jylap otyrǵanyn, óziniń bul qylyǵyna qatty uıalatynyn aıtty. "Qansha jańa mýzyka jazǵanymdy bilesiń be? Men tutas albom jazyp úlgerdim. Efırge mas kúıde shyǵatyn adamdardy jek kóremin. Al bul jaǵdaıǵa baılanysty mende esh jaýap joq. Biz bárimiz osy pandemııadan aman óttik. Men eki ret aýyrdym. Bronhıtpen syrqattanyp, aıaǵym synsa da,  konertter berdim. Shynymdy aıtsam, jaqsy jigitpin. Erteń bul jaǵdaıǵa qatty qapalanarmyn, degenmen meniń qanshalyqty ýaıymdap júrgenimdi bilseńizder", - dep qosty Dıma Bılan.

Telearnanyń habarlaýynsha, ánshi buǵan deıin de oǵash qylyǵymen kózge túsip,  jankúıerleri men jurtshylyq tarapynan saýaldar týǵan. 2019 jyly Bılan Samaradaǵy Qala kúninde óner kórsetip, dál osyndaı qylyǵymen kórermenderge unamaǵan bolatyn.

 

 

"Adyrna" ulttyq portaly.

Pikirler
Redakııa tańdaýy