25 قاراشادا تۇندە اتىراۋ وبلىسى جىلىوي اۋدانىنىڭ قۇلسارى قالاسىندا ايەلدىڭ ءمايىتى تابىلدى، دەپ حابارلايدى “ادىرنا” ۇلتتىق پورتالى جەرگىلىكتى “اق جايىق” گازەتىنە سىلتەمە جاساپ.
35 جاستاعى ايەلدى بىرنەشە جەردەن پىشاقتاپ كەتكەن. ايەل اۋىر جاراقاتتىڭ سالدارىنان جەدەل جاردەم كەلگەنشە وقيعا ورنىندا كوز جۇمدى. قىلمىستىڭ سەبەبى انىقتالىپ جاتىر.
قايتىس بولعان ايەلدىڭ ارتىندا كۇيەۋى، جەتى بالاسى قالدى.
وسى قىلمىسقا قاتىسى بار دەگەن كۇدىكپەن جىلىوي اۋدانىنىڭ تۋماسى، 25 جاستاعى ەر ادام ۇستالىپ، ۋاقىتشا ۇستاۋ يزولياتورىنا قامالدى.
وبلىستىق پوليتسيا دەپارتامەنتىنىڭ ءباسپاسوز قىزمەتى ناقتىلانعان اقپاراتتى كەيىن بەرەتىنىن مالىمدەدى.
“ادىرنا” ۇلتتىق پورتالى
