ەلىمىزدە «قازاقستان» ەسىمى قويىلعان 24 ادام بار، دەپ حابارلايدى «ادىرنا» ءتىلشىسى orda.kz-كە سىلتەمە جاساپ.
ولاردىڭ التاۋى اقمولا وبلىسىندا، تورتەۋى قوستانايدا، ۇشەۋى قاراعاندىدا، ەكەۋى شىمكەنتتە ءومىر سۇرەدى. ال الماتى، باتىس قازاقستان جانە ماڭعىستاۋ وبلىستارىندا ءبىر-ءبىر «قازاقستان» ەسىمدى ازامات بار.
كەيبىر بالالاردىڭ اتى ەلىمىزدىڭ مەگاپوليستەرى مەن ءىرى قالالارىنىڭ قۇرمەتىنە اتالعان. ماسەلەن، قازاقستاندا 21 ادامعا الماتى، 28 ادامعا سەمەي جانە 18 ازاماتقا تۇركىستان ەسىمى بەرىلگەن.
«ادىرنا» ۇلتتىق پورتالى
