بۇل تۋرالى ەلباسى نۇرسۇلتان نازارباەۆ «تاۋەلسىزدىك ۇرپاقتارى» رەسپۋبليكالىق جاستار فورۋمىنا جولداعان بەينەۇندەۋىندە ايتتى، دەپ حابارلايدى «ادىرنا» ءتىلشىسىbaq.kz-كە سىلتەمە جاساپ.
ەلىمىزدىڭ بىلىكتى ءارى ءبىلىمدى جاستارى بۇگىنگى فورۋمدا باس قوسىپ وتىر. بارشاڭىزدى تاۋەلسىزدىكتىڭ 30 جىلدىعىمەن قۇتتىقتايمىن. بۇل - ءتاڭىردىڭ ءبىزدىڭ ۇرپاققا بەرگەن ۇلكەن سىيى. 30 جىل حالقىمىز ءۇشىن تاريحي بەلەس. ءبىز وسى ۋاقىت ىشىندە اتا-بابامىزدىڭ اسىل ارمانىن ورىنداپ قانا قويماي، ونى باياندى ەتە بىلدىك،- دەدى ەلباسى.
نازارباەۆ ايتقانداي، قازاقستان جاھان تانىعان، الەم مويىنداعان بەدەلدى مەملەكەتكە اينالعانىن ايتتى.
بۇل - بارشا حالقىمىزدىڭ ورتاق جەڭىسى. مەن حالقىمىزدىڭ تاۋەلسىزدىگىن جاريالاعان تۇستا ەلىمنىڭ كەلەشەگى جارقىن، حالقى باقۋاتتى، جاستارى باقىتتى بولسىن دەپ ارماندادىم. وسكەلەڭ ۇرپاقتىڭ ساپالى ءبىلىم الىپ، لايىقتى ءومىر ءسۇرۋ جولىندا ايانباي ەڭبەك ەتتىم. بۇگىندە سول ارمانىم ورىندالىپ وتىر. تاۋەلسىزدىك جىلدارى ءبىز دامىعان ەلدەرمەن تەرەزەسى تەڭ، باسەكەگە قابىلەتتى جاڭا بۋىن تاربيەلەدىك، - دەدى نازارباەۆ.
«ادىرنا» ۇلتتىق پورتالى
