توقاەۆ پارتيا تىزگىنىن الدى: ساراپشىلار نە دەيدى؟

2418

بۇگىن نۇرسۇلتان نازارباەۆ "نۇر وتان" پارتياسىنىڭ توراعالىعىن پرەزيدەنت قاسىم-جومارت توقاەۆقا تابىستايتىنىن ايتتى. بۇل وزگەرىستى ترانزيت رەتىندە قاراستىرىپ وتىرعان جاندار جەتەرلىك، ال جەلىدە ساراپشىلار ءوز ويلارىن جەتكىزۋدە. 

ساياساتتانشۋى دوسىم ساتپاەۆ بىلاي دەيدى: "اعىلشىن تىلىندە  "white elephant" (اق ءپىل) دەگەن ءسوز تىركەسى بار. بۇل وڭتۇستىك-شىعىس ازيا ەلدەرىندەگى ەرەكشە داستۇرگە بايلانىستى شىققان. كەزىندە بيلەۋشى ءوزىنىڭ ەرەكشە راقىم سىيى رەتىندە قاسيەتتى اق ءپىلىن سىيعا تارتاتىن بولعان. كوبىنە بيلەۋشىلەرگە ءوزىنىڭ ءپىلىن ساتىپ جىبەرۋگە بولمايتىن، ال ونى باعىپ-قاعۋ تىم قىمباتقا تۇسكەندىكتەن وسىنداي امالعا باراتىن. مىنە، سوندىقتان Nur Otan پارتياسىن  پرەزيدەنت قاسىم-جومارت توقاەۆقا بەرۋ ءبىر جاعىنان وسىلاي "قىمبات سىيلىق" كورىنەدى، ال ەكىنشى جاعىنان مەملەكەتتىك اپپارات جاعىنان 2019 جىلدان بەرى پرەزيدەنتكە ءنومىر ەكىنشى تۇلعا رەتىندە قاراپ كەلگەندەر ءۇشىن پرەزيدەنتتىڭ كۇشەيۋى رەتىندە دە بايقالادى. 

نازارباەۆ بۇل شەشىمدى نەگە پارلامەنتتىك سايلاۋ الدىندا جاساماعانى قىزىق. ول كەزدە پارتيالىق ءتىزىمدى قالىپتاستىرىپ، پرەمەردى اۋىستىرعىسى كەلگەن توقاەۆقا تىم سەنىم ارتپاعان سىڭايلى. ال قازىر ەلدەگى الەۋمەتتىك جاعداي ناشارلاعاندىقتان توقاەۆتى كۇشەيتىپ، مەماپپاراتتى جۇمىس ىستەتۋ جولىن ىزدەيتىندەي كورىنەدى. الايدا پرەزيدەنتتىڭ نومەنكلاتۋراسى كوتەرىلسە دە، ماڭىزدى كادرلىق وزگەرىستەردى كىتاپحانا جاسايدى. 

تاعى ءبىر ايتاتىنىم، ءوز اۋلاسىنا "اق ءپىلدى" قويعان توقاەۆ ول ءپىلدىڭ قولىنان تۇك كەلمەيتىنىنە كوزى جەتەدى، سەبەبى پارتيالىق بۇل ءپىل انتيكريزيستىك ارەكەتتەر جاساي المايتىنى، قوعام مەن بيلىك اراسىنداعى كوپىر بولا المايتىنى بايقالدى. ەڭ باستى سۇراق بىرەۋ، ول توقاەۆ بۇل "اق پىلمەن" نە ىستەيدى؟ ونى جۇمىس ىستەيتىن تۇلپارعا اينالدىرا ما، الدە ونى تاماقتاندىرىپ وتىرا ما؟" - دەيدى ساياساتتانۋشى.

قوعام قايراتكەرى ءامىرجان قوسان بولسا بىلاي دەيدى: ء"بىزدىڭ ءىس جۇزىندە بىرپارتيالىق جۇيەدە "نۇروتان", ءسوزسىز، ەڭ باستى ساياسي رەسۋرس. سوندىقتان بۇگىن پرەزيدەنت توقاەۆ ساياسي جاعىنان كۇشەيە ءتۇستى دەپ ساناۋعا بولادى. ارينە، نازارباەۆتىڭ قولىندا فورمالدى تۇردەگى رەسۋرس - قاۋىپسىزدىك كەڭەسى مەن فورمالدى ەمەس رەسۋرس - توقاەۆپەن و باستاعى ەكەۋارا كەلىسىمى بار. ونى دا ۇمىتپايىق". 

ساياساتتانۋشى باۋىرجان سەرىكباەۆ بۇگىنگى وزگەرىستەر جايلى ءبۇي دەپتى: "پارتيا توراعاسى، ەلباسى نۇرسۇلتان ءابىشۇلى نازارباەۆ پارتيا توراعاسى لاۋازىمىن قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆقا بەرەتىندىگىن مالىمدەدى.

قازاقستاندا ۇرپاقتار ساباقتاستىعى نەگىزىندە ساياسي رەفورمالار ورنىقتى، پراگماتيكالىق تۇرعىدا ىسكە اسىپ كەلەدى. ەلىمىز رەفورمالاردى ساتىلاپ، تىنىشتىق پەن تاۋەلسىزدىكتى ساقتاي وتىرىپ ىسكە اسىرۋ ۇستىندە.
ەلباسى تاۋەلسىزدىكتى ساقتاۋ بارىنەن قىمبات ەكەنىن ەرەكشە اتاپ ءوتتى. الەمنىڭ توعىزىنشى تەرريتورياسىندا 19 ميلليون حالىق، 14 ميلليون قازاق وتىرمىز. گەوساياسي ورنالاسۋىمىز دا ەرەكشە. ەلدىڭ تىنىشتىعى، بىرلىگى بارىنەن قىمبات.

قازاقستاننىڭ ءوز دامۋ جولى، باعىتى بار ەكەنىن ەلباسى تاعى ءبىر رەت كورسەتىپ بەردى. ءبارىن ويلاسىپ، سالماقتى قادامدارمەن جاساي بىلسەك XXI عاسىر قازاقتىڭ عاسىرى بولماق".

ال ساياساتتانۋشى مارات شيبۋتوۆ بىلاي دەدى: "وسى ءسوزسىز ايتۋلى كۇندە پرەزيدەنتتىڭ بيىلعى 1 قىركۇيەكتەگى جولداۋىنداعى ءبىر ءۇزىندىنى ەسكە ءتۇسىرىپ، كەيبىر كادرلىق شەشىمدەردىڭ بولاتىنىن بولجاعىم كەلەدى: "مەملەكەت باسشىسىنىڭ باعىت-باعدارىنا كۇمان كەلتىرەتىن، جۇمىستى قولعا الماعان، ايتەۋىر ۋاقىت وتكىزىپ، وتىرۋدى قالايتىن، پرەزيدەنت تاپسىرماسىن ورىنداۋدان جالتارىپ جۇرگەندەردىڭ بارلىعى ءوز قىزمەتتەرىن تاستاپ كەتۋى كەرەك" دەگەن ەدى پرەزيدەنت".

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket