Búgin Nursultan Nazarbaev "Nur Otan" partııasynyń tóraǵalyǵyn prezıdent Qasym-Jomart Toqaevqa tabystaıtynyn aıtty. Bul ózgeristi tranzıt retinde qarastyryp otyrǵan jandar jeterlik, al jelide sarapshylar óz oılaryn jetkizýde.
Saıasattanshýy Dosym Satpaev bylaı deıdi: "Aǵylshyn tilinde "white elephant" (aq pil) degen sóz tirkesi bar. Bul ońtústik-shyǵys Azııa elderindegi erekshe dástúrge baılanysty shyqqan. Kezinde bıleýshi óziniń erekshe raqym syıy retinde qasıetti aq pilin syıǵa tartatyn bolǵan. Kóbine bıleýshilerge óziniń pilin satyp jiberýge bolmaıtyn, al ony baǵyp-qaǵý tym qymbatqa túskendikten osyndaı amalǵa baratyn. Mine, sondyqtan Nur Otan partııasyn prezıdent Qasym-Jomart Toqaevqa berý bir jaǵynan osylaı "qymbat syılyq" kórinedi, al ekinshi jaǵynan memlekettik apparat jaǵynan 2019 jyldan beri prezıdentke nómir ekinshi tulǵa retinde qarap kelgender úshin prezıdenttiń kúsheıýi retinde de baıqalady.
Nazarbaev bul sheshimdi nege parlamenttik saılaý aldynda jasamaǵany qyzyq. Ol kezde partııalyq tizimdi qalyptastyryp, premerdi aýystyrǵysy kelgen Toqaevqa tym senim artpaǵan syńaıly. Al qazir eldegi áleýmettik jaǵdaı nasharlaǵandyqtan Toqaevty kúsheıtip, memapparatty jumys istetý jolyn izdeıtindeı kórinedi. Alaıda prezıdenttiń nomenklatýrasy kóterilse de, mańyzdy kadrlyq ózgeristerdi Kitaphana jasaıdy.
Taǵy bir aıtatynym, óz aýlasyna "aq pildi" qoıǵan Toqaev ol pildiń qolynan túk kelmeıtinine kózi jetedi, sebebi partııalyq bul pil antıkrızıstik áreketter jasaı almaıtyny, qoǵam men bılik arasyndaǵy kópir bola almaıtyny baıqaldy. Eń basty suraq bireý, ol Toqaev bul "aq pilmen" ne isteıdi? Ony jumys isteıtin tulparǵa aınaldyra ma, álde ony tamaqtandyryp otyra ma?" - deıdi saıasattanýshy.
Qoǵam qaıratkeri Ámirjan Qosan bolsa bylaı deıdi: "Bizdiń is júzinde birpartııalyq júıede "Nurotan", sózsiz, eń basty saıası resýrs. Sondyqtan búgin prezıdent Toqaev saıası jaǵynan kúsheıe tústi dep sanaýǵa bolady. Árıne, Nazarbaevtyń qolynda formaldy túrdegi resýrs - Qaýipsizdik keńesi men formaldy emes resýrs - Toqaevpen o bastaǵy ekeýara kelisimi bar. Ony da umytpaıyq".
Saıasattanýshy Baýyrjan Serikbaev búgingi ózgerister jaıly búı depti: "Partııa Tóraǵasy, Elbasy Nursultan Ábishuly Nazarbaev partııa Tóraǵasy laýazymyn Qazaqstan Respýblıkasynyń Prezıdenti Qasym-Jomart Kemeluly Toqaevqa beretindigin málimdedi.
Qazaqstanda urpaqtar sabaqtastyǵy negizinde saıası reformalar ornyqty, pragmatıkalyq turǵyda iske asyp keledi. Elimiz reformalardy satylap, tynyshtyq pen táýelsizdikti saqtaı otyryp iske asyrý ústinde.
Elbasy táýelsizdikti saqtaý bárinen qymbat ekenin erekshe atap ótti. Álemniń toǵyzynshy terrıtorııasynda 19 mıllıon halyq, 14 mıllıon qazaq otyrmyz. Geosaıası ornalasýymyz da erekshe. Eldiń tynyshtyǵy, birligi bárinen qymbat.
Qazaqstannyń óz damý joly, baǵyty bar ekenin Elbasy taǵy bir ret kórsetip berdi. Bárin oılasyp, salmaqty qadamdarmen jasaı bilsek XXI ǵasyr qazaqtyń ǵasyry bolmaq".
Al saıasattanýshy Marat Shıbýtov bylaı dedi: "Osy sózsiz aıtýly kúnde prezıdenttiń bıylǵy 1 qyrkúıektegi Joldaýyndaǵy bir úzindini eske túsirip, keıbir kadrlyq sheshimderdiń bolatynyn boljaǵym keledi: "Memleket basshysynyń baǵyt-baǵdaryna kúmán keltiretin, jumysty qolǵa almaǵan, áıteýir ýaqyt ótkizip, otyrýdy qalaıtyn, Prezıdent tapsyrmasyn oryndaýdan jaltaryp júrgenderdiń barlyǵy óz qyzmetterin tastap ketýi kerek" degen edi prezıdent".
"Adyrna" ulttyq portaly
