تۇركىمەنستاندا پوشتا بولىمشەسى مەكەنجايى ورىس تىلىندە جازىلعان حاتتاردى بۇدان بىلاي جەتكىزبەيتىن بولدى. بۇل «پوشتا بايلانىسى تۋرالى» اتتى جاڭا زاڭنان تۋىنداپ وتىر، دەپ حابارلايدى "ادىرنا" ۇلتتىق پورتالى.
زاڭنىڭ 26-بابىندا بىلاي دەلىنگەن:
«تۇركىمەنستان شەگىندە جونەلتىلەتىن پوشتا حابارلامالارىن جىبەرۋشى مەن الۋشىنىڭ مەكەنجايلارى مەملەكەتتىك تىلدە، ال تۇركىمەنستاننان تىس جەرلەرگە باراتىن حابارلامالار سول ەلدىڭ تىلىندە رەسىمدەلۋى ءتيىس»،-دەلىنگەن.
بۇعان دەيىن تۇركىمەنستاندا پوشتا قىزمەتتەرىن كورسەتۋ 2010 جىلعى «بايلانىس تۋرالى» جالپى زاڭمەن رەتتەلەتىن. پوشتا جونەلتىلىمدەرى قانداي تىلدە جۇرگىزىلەتىندىگى 1996 جىلعى بۇرىنعى زاڭدا ايتىلماعان. الايدا دەرەككوزدەر راستاعانداي، ورىس تىلىندە قول قويىلعان كونۆەرتتەر مەجەلى جەرگە ەش قيىندىقسىز جەتكەنىن ايتادى.
سونداي-اق، بۇرىن ورىس تىلىندە جەدەلحات جىبەرۋدە دە قيىندىقتار بولماعان. بۇل مۇمكىندىك ەندى جالعاسا ما، جوق پا ءالى دە بەلگىسىز. جاڭا زاڭدا جەدەلحات تۋرالى ايتىلماعان.
تۇركىمەنستاننىڭ كوپتەگەن باسقا پوستكەڭەستىك ەلدەردەن ايىرماشىلىعى، ورىس ءتىلىنىڭ زاڭمەن بەكىتىلگەن مارتەبەسى جوق. ول ءالى كۇنگە دەيىن ۇلتارالىق قاتىناس ءتىلى بولىپ قالا بەرەدى. تۇرىكمەنستاندا تولىقتاي ءورىستىلدى ءبىر عانا مەكتەپ بار. دەگەنمەن، ورىس ءتىلدى مەكتەپكە بالالارىن بەرەتىن وتباسىلار سانى از ەمەس. ولار ءتىلدى 0-دەن باستاپ ۇيرەتۋدى قالايدى. بۇل وقىتۋ ساپاسىن تومەندەتەدى.
سونداي-اق، تۇركىمەنستاندا وزبەك، قازاق، ت.ب وزگە ۇلت وكىلدەرىنىڭ بالالارى انا تىلىندە ءبىلىم الاتىن مەكتەپتەر دە سىنىپتار دا جوق.
"ادىرنا" ۇلتتىق پورتالى
